沈震轩亲证揸Uber 自揭投资百万健身房未回本 靠揸车减压
早前有网民在threads发文，称乘坐Uber时遇到疑似沈震轩的司机，网民写道：“呢位Uber司机，有啲眼熟。”又指疑似沈震轩驾驶的车辆是黑色BMW iX新款电车。
昨天（1日）沈震轩在Ig贴片回应事件：“大家好，喺呢度回应番，知道好多人喺网上讨论我﹑或者见到我，我都唔知道会搞到咁多新闻出嚟，真係唔好意思，但我真係好感恩，收到好多人畀我嘅支持鼓励。我想讲番，呢两年我主要嘅工作係管理自己健身房，同埋开始做幕后工作，就係剧本创作，相对係以前我只係做演员嘅时候，我𠵱家做嘅嘢係一个新嘅工作，新嘅挑战，讲真係几大压力。”
沈震轩表示平时减压方式就是喜欢揸车：“但我平时揸车路线，一係我返嘅舖头健身房，一係揸车去开工，嗰阵我就谂，我咁锺意揸车，不如顺便登记个平台，仲要set埋路线，如果咁好彩嘅话，撞到一啲Fans或者遇到唔同乘客，可以同佢哋倾偈，我又锺意倾偈，最主要就係一边可以揸车，一边帮补隧道费都几好。
不过讲真嘅，因为我2年前用咗7位数投资健身室，第一次老闆创业，投资一定大，大家都知道呢几年经济，整体都係麻麻哋，所以确实好大压力，我成日会谂有啲乜嘢，可以帮到盘生意，可以做到啲乜嘢呢？因为我觉得做生意係需要一啲时间，尤其喺呢个环境，我哋健身室仅仅做到收支平衡，但因为开首投资大，但未回本，作为老闆嘅我，我冇粮出，但我员工一定要准时出粮，再加上我哋service一定要好，因为我从来冇谂过放弃呢盘生意，我同大家一样，我都係为理想去继续努力嘅人，所以到最后想同大家讲，如果有任何高低起跌，无论如何一定要身体健康，健健康康去靠自己努力解决眼前困难，多谢关心。”
女友陈欣妍也在沈震轩的Ig留言：“係咪想坐我嘅副驾位？”
今天（2日）沈震轩在社交平台贴出和女友一同敷Mask合照，沉写道：“《无论是顺境或是逆境、富裕或贫穷、健康或疾病、快乐或忧愁，我将永远爱著您。》我深深感受到呢一番说话。谢谢妳，@shirleyelephant（陈欣妍） #最幸运的平凡人。”
