明报：夺命提示｜刘颖镟从演8年喊得最甘 张振朗“踢出新高度”
由文伟鸿（Jazz）监制的全新动作悬疑剧《夺命提示》，将于3月17日（周一）播映，该剧演员有陈山聪、张振朗、刘佩玥、刘颖镟（Tiffany）、丁子朗、郭柏妍、林子善、吕珊、樊奕敏和区明妙等。
翡翠台黄金时段及官方社交平台，连日来发布宣传短片，除了继续有大量动作场面，还有感性、谈情及轻鬆惹笑等不同元素场口！昨晚（10日）发布最新宣传片段，主角是首度演情侣的张振朗及刘颖镟（Tiffany）。
张振朗在最新宣传片中，除展现了踢腿神功，其中一幕“蟹爬大髀”，张振朗“既爱且恨”的夸张演绎，加上孖烟囱装束，相当抢镜。张振朗在宣传片笑言，搞笑场口成功要诀之一竟然是拉筋，他笑言：“估唔到拉咗筋，除咗喺拍动作嘅时候用得著，拍搞笑嘅场口，都能够大派用场。”
Tiffany指除了要挑战更多和更高难度场口外，还要应付内心戏及喊戏，她接受TVB.COM访问时坦言，今次是她8年拍剧生涯以来，喊得最多的一部剧集：“今次要喊嘅次数同程度，係突破晒咁多年以嚟嘅经验。”Tiffany表示随经验累积，自己确实比以前容易理解及进入状态，并谓今次要特别感谢监制Jazz的循循善诱，以及拍档张振朗的用心交流。
她说：“每次我哋拍呢啲感情戏，Jazz都会特别令到成个气氛好安心，佢拍之前会问我哋係咪熟晒对白、係咪Ready好，只要我哋Ready好就即刻拍，咁样令我哋演起上嚟都有信心。至于振朗，呢套剧我哋好多场口一齐拍，好多时都会事先沟通咗先，可能係度吓嘢又或者分享大家对唔同场口睇法，我哋好踊跃讨论点样可以令成场戏更加好，会加好多细位同埋Jam啲嘢出嚟，等啲有情绪嘅戏分可以更有Support。”
