明报：李珊珊乐观面对身形 爆曾有富豪以3000万豪宅求爱
1996年4料港姐冠军李珊珊在2000年离开TVB，2004年拍完有线剧便绝迹幕前，之后更神隐多年。多年来，珊珊曾传出患怪病，及至2017年才承认患惊恐症，多年煎熬亦影响她身形容貌大改变。一直低调的李珊珊去年终战胜情绪病，抱著“以生命影响生命”的理念创业，伙友人开设网上频道，除了以过来人经历主持节目分享情绪病资讯外， 亦提供其他娱乐资讯节目。
今年1月，李珊珊终直播露面，并接受商台《星光背后》专访。节目中，她回应2016年被指因脑瘤家中晕倒，要消防员破门入屋送院的报道外，亦详述饱受惊恐症煎熬近10年的经过。另外，她亦大谈情史，更大爆曾有富豪以3000万豪宅求爱，及她拒绝前度求婚的因由。
2016年曾有报道指李珊珊于家中晕倒，需消防员破门入屋，当时更传出她脑生瘤，李珊珊重申：“我都好想澄清，第一，我无脑瘤；第二，因为我唔想整烂度门，所以每次我要打999个阵，几辛苦都会先开定门等消防员嚟救我。”
她承认2016年前已受惊恐症影响，只是找不著病因：“每次我知道嚟料，会又疴又呕，会唞唔到气，我慢慢爬出屋，开定门等消防员嚟，因为我唔想佢哋爆门。嗰阵唔知道係惊恐症，係一嚿云唔知发生咩事，但係症状愈来愈频繁，每次病发都要摊4日，食少少嘢就泻，完全起唔到身，要喺医院留医。”
未确诊惊恐症前，李珊珊指试过遍寻名医亦找不到病因：“肠胃、心脏科好多科都睇过，最艰难探索咗成1、2年，之后转介咗去精神科专科医生，就得出答案。”
被确诊出惊恐症后，珊珊坦言没不开心，反而是释怀：“当知道答案就好开心，因为之前寻寻觅觅、重覆又重覆咁，感觉好恐惧，当精神科医生话我知係惊恐症，我真係如释重负！起码𠵱家我每日可以正常操作，唔会令我一出门口就喷射式呕吐。”
被问及是否长期食药影响身形，珊珊则乐观面对：“唔好谂啦，我一定唔係因食药而肥，可以稳定到病情我已经好开心，其他嘢我尽力咗改善唔到，我就接受住先。我甲状腺功能低，係好难做剧烈运动。係难受，因为係永久性，我条气管收窄咗，但无办法我都已经接受咗。”
李珊珊早前称已维持单身3年，节目中，她坦言入行至3年前，一直没有停过拍拖：“呢3年就係想自己试下一个人会係点，我18岁开始就好似放题咁无停过（拍拖）。不过喺3年前就开始谂，每次好似都起承转合之后就完，觉得唔会咁易有涟漪情况下，就唔好乱咁嚟。”
盛传不少富家子、富豪喜欢追求港姐，问曾是四料港姐冠军的李珊珊有没有经历过，她说：“这是我第一次讲，係有被追求过，但我係要睇同嗰人夹唔夹到，同有无感觉先会开始，我最衰係感觉行先，唔係我就发咗啦！”
她首揭被富豪追求的经历，“曾经有人经身边人搵我，想我做佢女朋友，仲话真係做佢女朋友，就送层价值3000几万嘅楼畀我，仲叫我去拣架新款Benz，呢个只係开头，嗰个介绍人都可以收20万落袋。”问她为何拒绝金钱诱惑：“我就係觉得好奇怪，呢啲叫男朋友咩？我嗰阵就同佢讲：‘如果我条命整定係有呢嚿钱，我都可以係其他方法赚到，唔需要咁样嘅！’咁就拒绝咗对方。”
李珊珊曾经有过一段广为人知的轰烈长关係，前度更在朋友起哄下，当众向李珊珊求婚，她说：“那次是开玩笑，不是真，𠵱家佢幸福我就开心，人哋有咗家庭，都唔应该再讲。”被问到往后的关係，有没有遇上对方提出求婚，她坦言：“曾经有啲关係讲过咁样，但我觉得我做唔到，所以唔得。”
李珊珊分享对婚姻看法：“我好重视承诺，所以唔好害人。因为我唔知道同对方关係可以行到几远，唔想衝动结婚而破坏承诺。我觉得自己感情比较丰富，我亦唔知道日后我係点，咁就唔好结婚去害人。”李珊珊指现阶段只专注网台发展，以过来人身分帮助情绪病患者。
