明报：姚焯菲善用时间兼顾学业事业 小肥称学习永无止境
姚焯菲（Chantel）、林智乐（Felix）、小肥和男子组合OneUp，近日分别出席第二季《电笠：人人和音 SCHOOL TOUR》首2场演出。
Chantel与Felix为同学们献唱，又到台下合照、握手，Chantel向同学派心心，场面温馨又热闹。她被同学们问到如何兼顾学业与歌唱事业？Chantel说：“我会搭车、等埋位嗰阵就攞书出嚟睇，化妆嗰阵就做功课，就算好少时间都会尽量利用。”提到读书时，经常担心自己做得不够好，好惊未能全力以赴，便已经错过中学阶段。
她说：“会比较徬徨啲，觉得‘我时间冇多啦’，我都会好惊。但係我成日会提醒自己，要 Step by Step！因为当你堆埋啲嘢响一齐，就梗係未做得够好啦，Step by Step其实会俾到更多满足感自己，即係你完成咗一步啦，可以去下一步。”
林智乐认为有朋友互相支持很重要，但最重要还是自己帮自己：“呢个係最快嘅方法，每样嘢都有好多唔同角度嘅，最紧要係你点睇，教返个啱自己嘅节奏同步伐就OK。唔好嫌自己慢，行嗰阵係会有好多荆棘，但係按住自己心入面所想去选择就OK㗎啦。”
另一日在一所中学的小肥，甫现身即获同学们的热烈欢呼，献唱时又打拍子，与师生们打成一片。在歌唱事业上经历过高低潮的他，称学习永无止境：“直到你遇到个契机，就知道当初去装备自己係冇嘥时间。”小肥谓勇于尝试并非为了成果，而是为了自己：“你更爱自己，成果自然就会嚟。”
OneUp献唱期间亦与台下学生们互动，又以自己的经历为例子，认为自我质疑是每个人都会经历的阶段，笑言这并非坏事，反而是进步的动力。
