明报：罗家英酒楼派包点 深受女茶客欢迎 讚冯盈盈“坚劲挺”
罗家英、冯盈盈及关枫馨今天（31日）宣传无綫节目《饮茶》，于酒楼向茶客派包点，当中以家英哥最受欢迎，不停被女茶客集邮，打扮性感的冯盈盈获男茶客垂青，相反关枫馨因感冒失声而穿得密实。
家英哥称不知为何上了年纪的女士特别欢迎他，少女则较少，少男只对冯盈盈有兴趣，节目可吸引不同年龄观众。冯盈盈表示被家英哥开玩笑，并不感尴尬，反而很开心，经常互相交流有火花，家英哥讚冯盈盈脑筋转得快，关枫馨看似循规蹈矩，但间中会爆金句。
家英哥见冯盈盈一身打扮，如出席台庆即笑指可大可小：“今日係点心庆，冯盈盈卖大包，佢一路送包一路鞠躬，觉得佢落力。”冯盈盈直言招架不住家英哥，好难捉摸。对于在节目中听到冯盈盈唱阿姐（汪明荃）首本名曲《金丝雀》即叫停，他解释：“因为我成日听老婆唱，边个唱都冇咁好听，冇得比较，冯盈盈把声又尖又有力，反应又好快，我畀佢抢咗好多镜，加上惹火，喺广州啲男仔都跟佢尾。”
家英哥表示阿姐曾讚冯盈盈好身材，他说：“一睇好似唔係好对路，真係坚、劲、挺！讲紧佢性格坚强，讲嘢又够劲。”
家英哥表示阿姐已出发到澳洲拍摄无綫旅游节目《带阿姐看世界》，不见老婆几个钟已十分挂念，他说：“阿姐凌晨5点几，就开灯执嘢准备要飞，我即刻攞张被冚过头诈瞓，点知即刻瞓着咗，佢走咗都唔知，真係唔好意思，当我醒番已係8点几，睇电话佢话已准备起飞，我即刻讲句顺风，快啲返嚟见，但佢返到嚟都冇得见，因为我要上深圳为话剧《驴得水》綵排。”
家英哥表示今次与朱茵合作觉得很幸运，问是否也觉得朱茵“坚、劲、挺”？他则说：“呢个唔敢讲，因为佢係我前辈，佢做话剧时我都唔知喺边度，对住师妹我就可以口没遮拦，对住前辈要带啲尊敬。”
