90岁罗兰揭曾在TVB三米高坠下撞伤头 一度昏迷险成植物人 | 香港01
从影逾70年参演近380部香港电影，至今仍活跃於幕前演出的金像影后罗兰，一直相当精灵，但日前她受访时自揭曾在3米高台坠下险成植物人，令人心惊胆跳。
日前罗兰接受邓英敏的YTube频道「老友鬼鬼GoodGoodBuddy」访问，由当年入行，到蔡和平致电亲邀过档TVB都一一提及，罗兰更提起当年吊威也拍摄惊险事：「当年拍摄EYT短剧《武林圣火令》，嗰次真系大件事。第一日拍完都OK，第二日再拍，Take One都OK，导演话想嚟多个，跟住大家就埋位。嗰度系灯桥上面九尺几高（近三米高），点知我一上去，『闸』一声就成个挞左落嚟，挞落嚟嗰时岩岩有张白色发泡胶圆枱，我就撞到个边位，所以大细面，左边面大少少，当时肿晒。」
坠地后罗兰一度失去知觉，：「我就瞓喺地昏迷不醒。过一段时间，回复知觉自行走入化妆间，佢的问我点，我答左一两句之后就唔识答喇，住喺边都唔知喇！入院个过程我系唔知，完全冇印象，就连意外一刻都完全失忆没印象。后来琴姐拖住我阿妈嚟睇我，成晚喺医院。我就成晚喺度諗，我问咩事，佢的话我跌亲，咁我做羊跌亲呢，系完全冇呢个意识，连医生问我都唔知羊事。所以有啲人就话，我个神经中枢有问题，再伤啲就冇架喇！就会变植物人无得救。」
