古天乐不信香港电影已死 惟观眾欠耐性︰钟意短视频又2倍速睇片 | 香港01
《第49届香港国际电影节》的焦点影人古天乐，今日（19/4）出席名家讲座，由游学修主持。席上古生不单分享自己拍戏的经歷，更多是分享自己对香港影视界的未来发展，对於坊间不时说香港电影已死，古天乐绝不认同︰「电影系唔会死，香港都唔会死，我的都唔会死！」立即赢得全场掌声。但古生亦希望大家面对现实，要作出改变，更指出2028至2030是关键年期。
短视频系大挑战︰试睇过，真系顶唔蒲！
讲座由游学修主持，以问答模式进行，问到全球电影均面对票房下滑问题，古天乐已有一堆数据分享︰「香港和内地下滑多过20%，韩国、日本都下滑7至10%，美国都接近10%，除左因為经过疫情大家睇多左串流平台外，又因為睇多左，对电影嘅要求不知不觉都提高左。」
游学修问到「香港电影已死」呢个问题一直缠扰自己，问到古生可有同一问题？古天乐︰「唔好话香港电影已死，电影系唔会死，香港都唔会死，我的都唔会死。（全场欢呼）所以呢个问题唔会缠绕住我。」
古天乐反而提出另一个问题，指出电影正被短视频挑战。「而家身边好多人都睇短视频，仲要畀钱睇喎，我反问咁你又唔畀钱入去睇戏？我都有试睇过，真系顶唔蒲，直倒仲死，羊都睇唔到，又要乘1.5或者2去睇，证明全部年轻人都冇晒耐性。」古生更提及几星期前，IShowSpeed来港，一眾小朋友年轻人走出来追捧。「呢班小朋友过多十年就20几岁，系下一代观眾，我的改变唔到，就唔会迎来未来电影嘅诞生。」
古生又指出内地短视频，去年有过千亿收入，电影就只有300几亿，这是个现实问题。「所以电影同电视剧都要变得精品化，唔会再大量製作，又或者拍电影未必再需要高成本拍摄，电影嚟紧系要一个改变。香港电影过去為迎合市场需要而拍，冇去諗观眾需要乜野。」
青黄不接观眾都有责任帮手
票房下滑，老板对投资更谨慎，会找有叫座力的演员主演，无疑令青黄不接问题延续下去。古天乐︰「观眾相信一个演员，先会入场去睇佢部戏。我的成日都讲要换血，如果今次仲唔认认真真去换一次血，我的就迎唔到香港电影嘅未来。现在市场有份量嘅演员，50岁都叫后生，好多都60几岁，中生代都40几岁，廿几岁演员系有，但观眾对佢认受性唔高，好难孭起一部戏，但我可以讲，如果我的喺2028至2030年，再做唔到真正嘅换血，打后5、6年都唔会好过，所以大家必需要扶持台前幕后嘅新人上去。新人自己都要有责任，唔好死牛一面颈，接受意见。」
去到观眾提问，有人问到古天乐可有具体方法扶持新演员，不用每次看戏时，都会话「又系古天乐！」古生重申要大胆起用新人，但最悲哀是会预期要蚀本，但都要给予机会让他走进观眾眼球。而讲到最切切实实有效的方法，古生就突然提高声线回答︰「就系你的呀！系呀，唔系部部都我做呀，我都顶唔到几多年，佢的孭飞时记得买飞去睇呀，唔好又话︰『超！唔知边个嚟！』唔好剩系话我的，你的都有问题㗎！」
