星岛：陈山聪叹慨拍剧气氛今非昔比 爆阿佘追问：点解啲人一收工就走
陈山聪和刘珮玥(Moon)曾一起参与多部剧集，刚播完的《夺命提示》属真正一起合作。在Moon眼中，山聪绝对是自己半个老师，在演戏上遇上什麽难题，她都会打电话向他求救，仲会做埋她私人心理辅导员，坦言：“我真係好相信佢。”至于山聪好重视维繫演员之间感情，却慨叹新一代演员关係冇前咁亲密，唔会再有gathering。採访：娱乐组
陈山聪跟Moon认识了10年以上，第一套一齐有份演是《殭》，但零对手戏，之后陆续也一齐拍了几套剧集，但同场口少之又少，直至《夺命提示》才是第一次真正合作，二人都说碰撞出来几有火花，Moon特别讚扬山聪肯听她的意见和感受，山聪说 :“我一直觉得拍戏是team work，唔係自己好就得，要对方好，大家好才可以擦出火花，今次大家都有呢个火花，大家都锺意演戏，研究剧本，会将所有提问拎出嚟，仲有我同Moon都是好高要求嘅人，希望每一个镜头都做到最好。”
Moon笑言自己是一个会向人求救的人，如果做不到夹硬做不出声，只会影响整个表演，“我係会不耻下问，而山聪佢係一个好愿意分享和牺牲自己时间嘅人，佢会休息时睇我拍动作戏，以一个最有效的方法告诉我点做得好。佢仲帮我做埋心理辅导，有时我觉得自己处理唔到，唔係做唔到，係未做到最好，我会问佢点算，最记得有一次，我整个硬晒軚，肌肉收紧，唔知怎样去做，当时又已经天光，有好多嘢谂，佢唔係只叫我加油，话一定得，而係叫我放鬆啲，应该怎样去调整心态，佢成日都话唔係我老师，唔係教我，但佢分享畀我，除咗呢套戏，对我之后其他都好有用，甚至之后有套戏，我都打去搵佢求救，问佢情绪要点样，而当我做到佢教我嘅要求时，我会好开心咁打畀佢，话佢知我成功咗，我真係好相信佢。”
难忘同秋官拍剧口震
陈山聪直言自己也做过新人，很明白他们的感受，想当年他合作的演员是欧阳震华，罗嘉良、林文龙等，全部都是一线中的一线，“好似我同保怡都拍了很多套，他跟我分享经验，之后我实践，又有新的经验，到有一班新演员，我又同他们分享，我想好传承呢种文化，好记得一入行时同秋官(郑少秋)拍剧，我连讲对白都震，𠵱家我会同新演员讲，紧张係啱，慢慢嚟，畀信心佢哋，同佢哋讲唔怕NG，我都会NG。”
除了分享经验外，山聪更想维繫一件事，就是演员之间的感情。“以前清水湾年代，个个都係收工唔走，去canteen会见到所有人喺度吹水，虽然现在产量少咗，但都想带番一些文化，大家关係可以密切啲，有次阿佘(佘诗曼)都问我，点解啲人一收工就走，唔gathering多啲，但𠵱家新一代嘅年青人未必想咁样，唯有自己可以做就尽做啦!”
