星岛：朱栢康膺金像奖男配即受广告商青睐 车尾长放裇衫︰随时去试镜见导演
刚勇夺金像奖最佳男配角的朱栢康，立即有新搞作，他与男士服装品牌合作拍摄白裇衫的产品广告刚刚上线。朱栢康在广告中大骚Fit爆身形，他为“演员路”不时操练，仲话︰“流过几多汗，观众未必知，但我自己知道。背后有汗，有痛，有无数次重来。”
朱栢康搲赞助裇衫
虽然荣升金像奖男配得主，朱栢康就话自己冇“艺人包袱”，平时喜欢以简约配搭示人：“因为拍戏就会有戏服啦，所以平时都好简约，一件裇衫比人感觉斯文，有活力就可以，始终成长后都唔可以太求其，我试过有次做完运动突然要去试镜见导演，本身得件背心、牛仔裤，好在车尾一直都有摆件裇衫傍身，咁就简约得嚟唔失礼！”
朱栢康笑言著衫自信都很重要，而家拣衫都有心得：“以前著衫真係好简单，舒服至上，近年去多咗隆重场合，而家都识得因应不同场合择啱嘅衫着，我发现‘透气快乾’嘅衫真係好重要，因为现场啲灯光都几热，自己又有啲紧张，但要扮晒型唔畀人知出汗，所以而家我会识拣著咩衫！”
问到拿奬后有甚麽庆祝活动，他说：“可能嚟紧会同啲朋友食吓饭庆祝，都要收拾心情投入剧组。攞奖后希望拍多啲广告，多啲赞助吓啲裇衫，因为艺人买衫其实都花费好大㗎！”
