TVB助理总经理（艺员管理发发展）乐易玲（乐小姐）和制作部高级经理（非戏剧制作）何小慧（30/4）现身电视城出席《2025香港小姐竞选》记者会。提到往年有大批候选佳丽不满合约规定而退赛，更有候选佳丽在网上公开力数合约内容，指一入总决赛就要跟TVB签5年，不能参加其他电视台的节目，也不管拿奖与否。而且，没有进入总决赛的也需要限制娱乐活动半年，事件引起网上关注。
乐小姐就事件接受《香港01》访问时表示：“其实合约咁多年都係一样，我觉得合约精神一定要有，尤其係而家媒体比较多，同埋要训练佢哋嘅嘢亦比较多，咁所以喺合约上面都写明佢哋要注意啲咩。”
被问到会否修改合约条款，避免候选佳丽感到恐慌？何小慧表示：“佢哋讲到啲合约咁惊，我就觉得佢哋係夸张咗。我觉得有啲人根本係入唔到我哋心目中嘅20或者30位，而佢哋就用呢个藉口。”乐小姐接著说：“可能知道你哋会关注，所以咁做。”
何小慧指出当中参赛者不乏网红，有些以参赛为名，实际是搏取流量吸引网民眼球：“我觉得好多人入嚟都係攞流量，想了解吓港姐竞选係啲乜嘢。（有冇办法识别到网红只係嚟攞流量？）其实就咁识别唔到。係去到签合约先会识别到。当我哋觉得佢各方面好，我哋就唔可以限制佢哋嚟，当到佢要签合约嘅时候佢自然就唔会做。”
