刑侦12｜林保怡激赞张松枝好戏 无惧被网民批评：我的呢套好正 | 香港01
由腾讯视频及TVB联合製作的重头剧《刑侦12》即将在下星期一（19日）开播，今日（17日）一眾主要演员亲赴深圳出席首映礼，场面墟冚。男主角林保怡在接受《香港01》访问时就表明该剧集与以往警匪类剧不同，绝对值得一看。
林保怡相隔13年后回娘家拍摄新剧《刑侦12》，剧集未正式开播已引来不少话题。而在接受访问时，他就坦承时间的确过得很快：「第一我唔觉得系10几年啦，时间过得好快，因為好开心每一日过得，拍剧又开心，喺屋企又开心，所以觉得唔系咁耐时间。」
《刑侦12》主题核心以「新七宗罪」的连环悬案展开，是一部充满烧脑的剧集，林保怡亦坦承在收到剧本时也看不明白：「系呀！咁咪好萝，因為我都睇唔明，咪捉佢（总监钟澍佳）出嚟问一问到底系点样㗎？畀好多方法我，例如喺网上搵啲视频嚟睇到底解离症系点样？」而在旁的张振朗亦觉得剧中人物复杂，有為饰演解离症探员的刑凯角色做功课。
另外，提到剧集的预告片中有一幕与张松枝肉搏的画面很刺激，对方挥刀靠近脸孔的距离相当接近，问到拍摄时危不危险，林保怡就表示：「好彩就同佢识左咁多年，所以佢搵把刀拮我嘅时候好似好大力，其实系就住力，我同佢用真刀都唔惊，因為有啲人会惊㗎嘛，但张松枝真系好犀利。」对对方演技讚不绝口。
而续问到有网民批评TVB拍摄的警匪类剧集都大同小异，对《刑侦12》不抱太大期望时，林保怡就表示：「应该批评，但系我的呢一套唔系，我的每一个设定都好正。（可唔可以透露？）唔得，透露左咪即系剧透萝，佢系用左刑侦七宗罪嗰种嘅查案手法，我觉得要睇嘅就系睇每一个人嘅演出，每一个编剧佢设定左每一个角色嗰个变左第二个人嘅时候，嗰啲演技嘅技巧。」
