朱千雪与TVB续约期望复出拍剧 兼任大律师及大学讲师获公司体谅 | 香港01
36岁的朱千雪（Tracy）去年5月为医生老公吴昆伦（Justin）诞下儿子，荣升人母后，再加上大律师及大学讲师，幕前工作少之又少。不过，朱千雪今日出席活动时，透露与TVB已续约。“其实公司一路都畀好多空间我 ，过往无论读书或做法律工作，公司都唔多干扰我，有嘢做会问我得唔得閒，所以都算係自由，同好尊重我啲时间。”
问到为何不自立门户做经理人，朱千雪解释是因为与公司多年关係，经理人亦合作多年，双方均合作愉快。问到对幕前是否仍感趣，她说：“有，但因为而家多咗嘢做，拣剧本或工作会拣多少少，唔係拣嘢做，而係咁长时间去做，都想角色多少少。”
朱千雪又谓老公十分支持自己的工作，亦会照顾小朋友。提到一岁仔仔，朱千雪笑言仔仔出世后，十分渴望有二人世界，有时与老公外出时，都会频频望cam、又或食完饭急急脚返屋企凑仔。而刚过去的母亲节，老公亦有准备礼物。她说：“BB识叫爸爸妈妈，但我觉得佢唔知自己叫咩。”
朱千雪又透露仔仔半岁时曾一家三口去台湾，感觉有如搬屋一样，三日旅程带30件衫，在机上仔仔一喊即喂奶，结果落机时呕奶收场 ；仔仔9个月时，一家三口去韩国，由于开始懂得表达个人思想，结果不时因眼瞓而要返酒店。“我下次想同带佢返加拿大，因为係我长大地方，同埋我爸爸妈妈都喺度，所以plan 吓。”
