伍允龙孖性感女神睇林峯演唱会曝光恋情 大方认爱：係我女朋友 | 香港01
一向好仔的伍允龙，自从与锺嘉欣分手后都未有再公开过新恋情，早前他被拍到与一名女子同游迪士尼而传出有新女友，虽然女方戴住口罩未能睇清样貌，但二人状甚亲暱。他其后出席活动时只承认陪对方去玩，但对于是否“恋人未满，友达以上”时，他则耍太极说：“中文好深，唔係几明。”不过他当时已自爆5月27日会入场睇林峯演唱会，被问会否带女伴睇骚，他说：“睇吓点啦。”
昨晚伍允龙果然现身红馆观众席，而女伴竟是去年与同性密分手的李蔓莹（Renee）。二人坐在Panel下位置齐齐睇Show，全程言谈甚欢、交头接耳，Renee更不时含情脉脉望住伍允龙，常常被男方说的话逗得很开心，四周彷彿充满住粉红色泡泡。
而其实二人已非首次一齐去睇Show，上月谢霆锋演唱会，《01娱乐》记者都见到二人孖住睇骚，完场更不避嫌一齐走，现身启德外与其他观众一同离场。虽然伍允龙与Renee从表面上看似大缆都扯唔埋，但据知他们之所以相识，是因为伍允龙拍打机片要寻找一位识打机的女生，于是透过中间人认识了Renee，志趣相投，一拍即合。
而恋情曝光后，伍允龙大方认爱，更承认之前同游迪士尼的其实都是Renee，他说：“各位传媒朋友大家好，好多谢大家最近嘅关心，噚晚同我一齐出席演唱会嘅，係我女朋友Renee，亦都係较早前一齐去迪士尼玩嘅朋友，最近透过朋友介绍认识开始拍拖，希望嚟紧大家都俾多啲时间同空间我哋，多谢大家！”恭喜恭喜！
