陈家乐为百发百中言论解画 爆“女神老婆”好难追：我怕羞呀！ | 香港01
陈家乐早前发表“惊人言论”，表示自己追女仔“百发百中”未曾失手。老婆连诗雅早前接受访问时，就回应“唔讲以前啦，总之依家开心就得。”陈家乐今日（30/5）出席商会活动时，为“百发百中”言论解画。
陈家乐说：“嗱，呢个真係标题党嚟，百发百中嘅原因係，因为我真係好少主动出手。我係觉得好有信心，大家情投意合先会出手，唔係话我要边个就得到边个嗰隻百发百中。係经过深思熟虑，我哋係经过长时间培养（感情）。”在记者们追问之下，似乎越描越黑。他又表示不想再多讲，场面尴尬又好笑。“唔好咁深入啦，我怕羞呀！”
他续指，其实连诗雅十分难追，说：“难追呀！（因为係女神？）係呀，你真係识讲嘢。女神係难追。”在追问之下，陈家乐又透露更多细节，表示与连诗雅在深入了解后才开始。他说：“第一个印象，佢唔係我锺意嘅类型，认识咗之后先发现佢个人係咁，先慢慢锺意佢。（即係唔係锺意佢外表先，而係锺意佢内涵？）你真係帮我兜得好好！”
他又透露，原来对连诗雅并不是一见锺情！他坦言，自己在屋村长大，而连诗雅读国际学校，觉得两人有沟通隔膜，但直到两人聊起周星驰电影后就对她改观了。“係我惊沟通唔到，直到大家倾周星驰嘅戏，发现佢好‘地’。”
