明报：吴若希澳门开骚感触落泪 麦美恩现身捧场兼献花
吴若希（Jinny）日前在澳门举行《Gossip of Me演唱会》，获胡鸿钧、麦美恩、周奕玮、朱敏瀚、陈晓华、丁子朗等圈中好友捧场。Jinny在6位舞蹈员陪伴下登场献唱《炊烟》，她唱过《暗涌》和《半》后说：“入行15年，这是我第一次喺澳门开演唱会，心情又紧张又兴奋，喺呢15年有唔少我嘅流言蜚语，今晚我会喺舞台上畀大家睇清楚最真实嘅吴若希。”
演出期间，Jinny一口气跳唱《召唤丝》、《Bad Boy》等歌曲，她表示︰“ 一直以嚟我嘅歌都係剧歌、情歌，今次演唱会我发现，原来我都可以做一个跳唱歌手，真心要多谢陪我排咗好多日舞嘅排舞老师Apple同我班Dancers，仲有今次演唱会嘅形象设计，令我知道原来我都可以行型格路线。”之后，Jinny多位好友包括麦美恩轮流献花。
詹天文（Windy）以演出嘉宾身分现身，她在台上说：“多谢主办单位嘅邀请，好开心可以做Jinny姐姐嘅演唱会嘉宾，祝大家端午节快乐，大家食咗糭未？啱啱唱嗰首《一切都是有原因的》係我嘅最新派台歌，同Jinny姐姐首新歌都有联繫，因为两首歌嘅主题都係《爱》。”
Jinny回到台上献唱《火和火柴》、《别再记起》及《我没有伤心》，获粉丝代表送上生日蛋糕，补祝其33岁生日及贺她入行15周年。献唱《感激跟你能够遇见》时，Jinny感触落泪，她最后在全场大合唱下唱出歌曲《越难越爱》。
Jinny骚后表示：“终于完骚喇，好开心同感动，因为我开骚前有2、3日失咗声，所以今日係上天送畀我嘅礼物，噚日把声终于开番，好感动，多谢自己，多谢上天，都要多谢好多朋友喺唔同地方嚟支持我，有啲喺内地、香港、日本，甚至乎美国。我都估唔到今次呢个新主题《Gossip of Me》可以令大家重新聚埋一齐，希望将呢个演唱会带去更加多嘅地方，包括内地同美加，畀多啲人见证到我嘅努力，因为排舞排得好辛苦，好想喊。我畀自己跳舞98分，已经尽晒力，当然有啲位可以做到更好，不过其实我完全唔知道头先跳舞时发生紧咩事，个脑一片空白，靠肌肉记忆将段舞跳出嚟，好彩排舞老师话我跳得好好，咁已经好足够。今晚最感动一part係见到同我一齐成长嘅一班朋友，所以骚入面有首歌《感激能够跟你遇见》就係送畀每一位我遇见过嘅人，我唱嗰阵控制唔到眼泪。”
