明报：薛家燕忆童星入行 日薪10元 75岁享受演艺工作 永不言休
薛家燕日前接受李有毅（Ben）和儿子李国炜（Benson）主持的《Ben同Benson‘Chur’到行》录音访问，家燕姐和Ben一家相识多年，Ben爆儿子Benson在7岁时，家燕姐出席活动场地探班时影了合照，这张合照当作家传之宝小心珍藏，Benson对家燕姐即变得羞涩并笑言：“我今年都已经30几岁喇！”
入行逾60年的家燕姐，因热爱演艺工作而永不言休，她表示：“啲人话你做到70几岁，点解你唔攰？我话我享受我嘅人生，做自己锺意嘅嘢，点会觉得攰呢？”家燕姐被问到当年如何入行？她指当年爷爷摆大寿，自荐上台做大戏表演，台下刚巧有宾客是制片，对方表示要找小朋友拍戏，于是签了她做演员，其“处女作”便与冯宝宝和王爱明等童星合作。
家燕姐透露：“当初我爸爸係反对我入行，但我妈妈话我好有演戏天分，不如畀我试下；我妈妈仲同我睇剧本，其中一场戏，佢嫌我着嘅衫太普通唔够惨，于是剪咗啲毛巾贴喺件衫上，头髮又整乱啲，所以我嘅成功，我妈妈功劳都好大。”
家燕姐续说：“我记得当时10元一日，妈妈畀我2元，返到学校就请同学饮绿宝、维他奶，都係两毫子。”之后家燕姐与陈宝珠、萧芳芳、冯宝宝、冯素波、沉芝华、王爱明组成“七公主”，红遍东南亚，每次登台都吸引大批影迷追随，有次有疯狂影迷衝上台，遭保安打伤鼻狂流血，吓到家燕姐躲进后台哭。
家燕姐重提60年代到马来西亚登台，险遭保镳串谋坏人绑架她一事，她仍犹有馀悸：“听讲当年绑票好多都撕票，咁今日就冇得访问薛家燕。”
Ben指家燕姐演活不少经典角色，包括《真情》的“好姨”，家燕姐称好姨一角是她的人生转捩点，周星驰更因好姨而邀她合作拍电影《食神》，家燕姐表示：“有次喺咖啡店巧遇星仔，佢话‘得閒饮个茶食个包’，隔咗冇几耐，田鸡（田启文）打电话畀我，话周星驰想搵我拍戏，我话好呀，不过要早少少畀剧本我，因为我仲要拍《真情》，点知成个月都冇剧本，到开拍时都冇剧本，田鸡畀咗几张纸我，叫我睇住先，但又话可能到时有改。”
虽然去到片场拍摄时，跟剧本所讲的完全不同，但家燕姐仍忍不住大讚周星驰，“佢有样嘢好好，我好欣赏佢，你同佢接触后，佢会利用你个专长去发挥喺戏入面。佢问我‘家燕姐你跳舞好叻’，我话OK啦，佢问我锺意跳咩舞，我话Agogo，佢话‘咁你一出场就跳Agogo’，我话冇音乐喎，佢即刻攞两个杯同筷子喺度敲，我就开始跳，大家睇《食神》我咪跳出嚟，真係畀观众留下好深刻印象，因为好少演员咁样出场，到𠵱家都有好多人搵我扮《食神》角色拍广告。”
