郭柏妍重提食物敏感抖唔到气 以为自己会死密码全告知妈咪 | 香港01
郭柏妍早前因为食物敏感引致眼肿脸肿，更令她气管收窄，呼吸困难要急入院治疗。今日郭柏妍出席TVB 内联外通新篇章大湾区影视华采发布会，被问到康复情况，她说：“今日好返好多，面都无咗肿喇，有好多朋友关心我，畀建议我，叫我去check啲咩。”
她重提当晚病发经历：“瞓瞓下觉突然隻眼唔舒服，呼吸唔到，即刻要入医院打针。我之前食咗中菜，但应该唔关事，都食咗啲燥热嘅嘢，嚟紧会去做啲test。咁啱嗰段时间唔使开工，但係就去唔到《侠医》嘅煞科宴。”
问到郭柏妍是否第一次病发，她犹有馀悸地说：“第一次，所以非常之惊讶，都有吓亲屋企人，我爷爷睇到报道之后有打电话嚟问我。嗰晚好彩有妈咪陪我入医院，我有喊，但又唔敢喊得太大声。（惊唔惊会死？）嗰一刻惊呀，讲晒啲密码畀妈咪听，我已经庆祝咗母亲节同父亲节，觉得该做嘅都做咗。今次係离死亡最近嘅一次。自己都拍咗好多剧，留低咗啲回忆。”
提到之前在社交平台放负，郭柏妍说：“係觉得自己喺戏剧方面做得唔够好，有咁多工作机会都无做得好好，唔想辜负大家嘅期望，係自己要求高，无人话我，係自己嘅问题，呢个都係一个经历令我会成长。”
