张曦雯性感抢镜透露新剧全员坏人 自己角色毫无道德底线 | 香港01
张曦雯今日出席TVB 内联外通新篇章大湾区影视华采发布会，她的低胸贴身裙尽骚完美身材线条，可说是全场最性感。张曦雯对于今日的性感打扮，她说：“造型师畀咩我我就著咩，我哋年年都会同客户讲嚟紧会畀咩作品佢哋，都要亲身嚟大湾区见下大家，要着靓啲同隆重啲。”
她透露将会拍摄新剧《璀璨之城》说：“会去澳门同珠海住一段时间，《侠医》拍完十几日，唔使开工我都有啲唔惯，放假唔会去旅行，淨係想喺屋企躺平，打机都未有时间。”
谈到新剧的拍摄工作，张曦雯说：“深圳成日都去，住过个零两个月，澳门就係第一次去拍剧，好期待澳门啲美食。”她透露新剧的拍档有吴卓羲、高海宁以及张智霖等。
张曦雯说：“我饰演吴卓羲太太，係一个豪门太太，监制话套剧全员坏人，我个角色係最不择手段，最无道德底线嘅，我好锺意呢个角色。（唔惊之后出街畀人闹？）闹先好，代表我演得成功，我第一次做咁奸嘅人，其实喺佢角度唔係坏人，係为咗爱，佢好爱佢老公。”
至于经常不在香港可会令男友投诉，张曦雯说：“我男朋友佢自己都好忙，佢都唔喺香港，我哋已经习惯咗，小别胜新婚。”
近期labubu热潮越来越劲，张曦雯早前亦曾在社交网晒出她的labubu，她说：“全部都係我啲fans送，我妈咪都锺意，有送畀妈咪。我无用炒价买，唔知有隻炒到百几万。”
