明报：女神配对计划｜“王浩信2.0”林俊其真情告白 罗毓仪被感动又喊又笑
TVB恋爱综艺真人骚《女神配对计划》，昨晚（15日）播出第2集，继续迎来震撼弹。继第一集曾展望GM向叶蒨文Sophie勇敢告白后，今集再有粉红场面登场，就是有“王浩信2.0”之称的林俊其（Kris）、勇敢向暗恋多时的罗毓仪（Yuki）真情告白；2人的真情互动及粉红气氛，令叶蒨文Sophie亦在Ig留言：“好似韩剧男女主角啊，救命！”
林俊其能成功告白，叶蒨文功不可没！Kris已目标清晰地向Yuki勇敢告白：“我觉得佢每做一件事都会好惊、同埋都会谂好多嘢，所以就阻住咗佢行前一步。但我想讲你相信自己就可以；同埋如果可以嘅话，我想做你辅助。”
由于Kris没开名，Yuki除了疑惑零反应，Sophie见状即出手帮忙揿灯，让Kris有出场表白机会，Sophie：“我冇理由唔畀你争取。”Kris在主持林盛斌Bob引领下、讲出心仪女神是Yuki，令Yuki感震撼：“我𠵱家个心跳得好快，我以为你讲紧Step（李芷晴）。”
Yuki稍作镇定后追问Kris：“但你几时开始…（锺意我）？我哋都识咗一段时间？”Kris闻言害羞笑说：“坦白讲都留意好耐㗎喇，直到有次公司大型骚见到佢有个位唔够高拎嘢，佢嗰个动作係咁嘅（说毕即作踮脚趷高伸手状），跟住我好想过去帮佢…”并冧爆表示喜欢Yuki“成日笑”！
之后Kris行到Yuki面前、以温柔声线情深告白：“我个人都比较慢热少少嘅，希望可以慢慢咁样靠近你，希望唔好好似啱啱咁，一嚟就吓亲你。”
冧到面红的Yuki眼泛泪光兼含羞答答回应：“唔会呀，我好开心…因为…嗯…係喇，好开心。”说毕以水汪汪眼睛望向Kris，Kris是全程甜笑不断，青涩程度犹如初恋告白现场，全场女神疯狂尖叫，Yuki则害羞大叫救命：“完未呀？呢个环节！”
由于轮到Kris出场时，Yuki的3个心动名额早已爆满，为了令Yuki想清楚会否为Kris动用“换人”权利，Kris在阿Bob要求再度作出超动人真情剖白：“我觉得Yuki係一个需要多啲陪伴鼓励，可能佢锺意睇戏、睇动漫、或锺意食某啲嘢，我都会陪佢先。我希望之后如果你有好多烦恼，又或者做嘢方面嘅嘢，我会想同你一齐研究、一齐去进步，希望有呢个机会。”令原本已心动不已的Yuki再度失守，Yuki：“死啦，我感动到想喊！（哽咽）我唔係好估到，我哋叫做冇乜交集，但你好似好了解我咁。”
Yuki受访时表示，对于Kris了解及包容自己，感动至数度哽咽：“佢不单止睇得出自卑嘅我，我觉得佢直头包容咗呢样嘢，甚至乎係因为呢样嘢锺意我。我估唔到会有人锺意咁样嘅自己，佢咁讲我嗰下有啲激动。”
最终，Yuki决定放弃只有21岁的康嘉泰，将其中一个位置让给Kris；Yuki为Kris配戴“心动颈链”时，2人显得怕丑，但还忍不住甜笑及甜蜜对望。
