女神配对计划｜林堡熙曾展望争叶蒨文火药味浓 还原被批敌视真相 | 香港01
TVB恋爱真人骚《女神配对计划》大受欢迎，今（19日）五位女神就与多位求爱者出席宣传活动，其中在大玩心动游戏的时候，叶蒨文（Sophie)就抽中曾展望，二人相当有缘份，男方公主抱女方，甜蜜互动闪爆全场，而情敌林堡熙（Eddie)见状就表示：“睇住整亲，小心啲。”相当爆笑。
曾展望否认是真情侣
在节目中叶蒨文与曾展望的互动，让不少网民甚感怀疑，他们曾被爆经常在荃湾出没，甚至传已同居半年，是一对真情侣。对此，在接受《香港01》访问时，曾展望就表示：“首先我觉得要信任我哋节目，佢哋（制作组）之前挑选人嘅时候都好认真起底起过我，佢有啲海选面试剪唔晒出嚟，但其实每一个参赛者去嘅时候都深入了解咗，真係倾咗好耐。”
他坦承确是认识叶蒨文好几年，但中间二人并没有过多交流：“一路保持朋友关係冇乜特别联络，之后合作就係《爱回家》，都有一班人出过去玩，但自己冇乜表达心意，唔係一个咁主动嘅人，之后直到有呢个节目我就鼓起勇气去参加。”
曾展望激讚叶蒨文笑得开心
当问到叶蒨文是否符合自己心目中择偶条件时，曾展望的回答哄得女方相当开心：“佢符合晒我所有想要嘅嘢，（例如有咩？）我自己锺意笑得好睇嘅女仔，佢本身都好开朗，因为我本身都欣赏乐观，开朗嘅人，同埋好幽默。”叶蒨文听后笑到见牙唔见眼。
对于曾展望与林堡熙两位追求者，叶蒨文都给予高度评价：“佢哋两个人品都好好，呢样係我择偶条件好重要嘅嘢。佢哋两个係好唔同性格，但係都係好好人，好聪明，好主动，我都好欣赏嘅。”又扬言林堡熙看起来虽冷酷，但其实他是一位很善良及有深度的人。
林堡熙还原被指敌视眼神扫视曾展望真相
在第二集播出的“三角枱约会”中，曾展望一登场便主动与大家打招呼，但林堡熙却没有回应，更疑用敌视眼神扫视对方，气氛相当紧张，被网民狠批没有礼貌。对此，林堡熙就回应还原真相：“我係点头回，咁啱镜头影出嚟係上嚟嗰吓，我估係咁样，所以就觉得係藐视囉。”
另外，提到有网民质疑因早已认识曾展望多时，那会不会潜意识下对对方加分或选择对方，叶蒨文就表示：“我觉得係有嘅一开始，始终係熟啲嘅人同陌生嘅人分别，但係爱情係持久战，我唔觉得一开始开头就决定晒一切，我觉得始终要深入交流。所以要深入了解了，互相倾偈，透过唔同嘅环节去展示自己多啲唔同嘅一面，为自己去做一个负责任嘅决定。”
