香港小姐2025｜乐易玲爆黄晓明推荐呢位大律师 区议员参选有暗涌 | 香港01
《2025香港小姐竞选》今日（24/6）举行首轮面试，共有111位参选者到将军澳TVB电视城面试。电视广播有限公司助理总经理（艺员管理及发展）乐易玲小姐、制作部高级经理（非戏剧制作）何小慧小姐和制作部助理经理（非戏剧制作）（音乐）暨《2025 香港小姐竞选》监制晴朗先生在参选者会见传媒后，接受访问，乐小姐直言：“今日嚟嘅质素真係唔错。”
乐小姐续指，今届参选人数质素高，其中不乏高学历、专业职业人士，说：“其实今日嚟first interview，其实我哋筛选咗一部份㗎啦，所以今日嚟嘅质素真係唔错，尤其是今年学识真係好高，有一半人硕士以上，PHD，有大律师，有心理医生，物理治疗又有，音乐又有，乜都有，所以我觉得今年真係唔错。”
记者问，以美貌与往年比较的话，水平又有什麽不同？乐小姐回答：“哗，好难一年一年比㗎喎，係真係唔错。”乐小姐也透露，原来38号（暂定）北京大学硕士，大律师朱绰盈（Kimberlie）是由演员黄晓明提名：“都有。我真係见到个黄晓明提名。”何小慧：“係嗰个artist？”乐小姐：“係嗰位呀，佢提名大律师。（会手鬆啲？）睇埋second-in先啦，因为佢真係几靓嘅。”她也透露，余安安亦有提名一位参选者。
记者提到今年较多参选者是“广东话有限公司”，乐小姐也回应：“我觉得识广东话係好基本要求，但係真係好多香港土生，但係好细个去咗外国读书，真係好好又靓，但係佢啲广东话真係好唔好。咁我好希望佢哋係短期内pick up，最低限度讲到先。”她又表示，某部份参赛者熟悉外语，但唯独是没接触过广东话。
他们表示，首轮面试的100多人是由400多人中筛选的，除了今日所见的百多名外，还有30多位海外佳丽，合共约有140多人。“其实应该多啲啲，但係有啲时间嚟唔到。我哋考虑会唔会再畀机会佢哋见。”有佳丽身上有纹身，又会否影响入围？乐小姐表示，需要面试时睇部位或纹身内容再决定。她也透露，总经理十分重视今次港姐竞选，所以预留了时间担心评审会见参选者。
记者又问道，民建联区议员庄雅婷参选，会否有抵触？乐小姐表示，决定权应在她的身上，而不是TVB。“因为真係第一次first-in，係真係要睇佢其他所有嘢，要睇佢入唔入到second-in。如果真係入到，区议员可唔可以签嗰啲合约，要由佢处理囉。佢自己要决定，签唔签到由佢处理。”何小慧：“呢样係佢要考虑，而唔係我哋考虑。我哋就係睇佢各方面符唔符合香港小姐先。”
