声秀｜锺舒漫孖旧爱吴浩康同任导师零尴尬：唔会话成日特别联络 | 香港01
TVB即将推出音乐类比赛节目《声秀》，而经过多轮的海选面试后，一共有25位参赛者入围，今（26日）他们就联同7位导师出席宣传活动。而在接受《香港01》访问时，问到导师之一的锺舒漫有没有印象深刻的学员时，她就表示：“有两三个又唱又跳，都吸睛。（唱跳会更打动到你？）当然唔係会打动到，始终我自己都锺意跳唱，见到跳唱嘅朋友仔嚟参加，我係好支持。”
续问到身为导师有何贴士给学员，她就认为轻鬆最重要：“我觉得轻鬆係最紧要，我希望如果有机会组Team嘅学员，我想同佢哋建立一个好轻鬆嘅氛围。（有多位学员广东话唔正，唱广东歌时会唔会扣分？）我就未必会，你就当啲观众睇到，觉得一个讲广东话唔係好正嘅朋友仔，喺台上唱歌你见到佢好努力咁咬字，反而有种特别会吸引人，有一种吸引力，所以唔一定。”
另外，提到旧爱吴浩康亦是节目的导师之一，大家身为评审有没有与对方交流意见时，她就大方表示：“其实我就未正式话对于参赛者有咩交流，但大家本身识咗好耐，一嚟到有倾吓音乐，讲吓嚟紧一阵间有咩心水？（大家再见面会唔会尴尬？）唔会，（大家有几耐时间冇见面？）唔係好耐，对上一次都有试过同场，（今年嘅事？）唔係，（今年都係因为呢个节目先再次见面？）係，（大家私底下有冇联络？）咁唔会话成日特别联络。”
而眼见锺舒漫身型瘦了不少，问到是不是刻意减肥，她就强调不是，反而是因为心态放鬆，再加上运动，自自然然就会瘦，而她亦透露即将会推出广东歌，相信歌迷都非常期待。
