关嘉敏曾被指反骨喊足三日三夜 解释姜卓文得欢心原因
现年31岁的关嘉敏（Carmen），2016年以五人女团Bingo出道，2020年参加ViuTV选秀节目《全民造星III》后开始受到关注，翌年转投TVB后，在去年的《福禄寿训练学院》扮演“谭辉智”而爆红。今年，Carmen再以“搞笑女神”封号参与恋综节目《女神配对计划》，并乘势推出首支个人单曲《爱不罕有》。
Carmen最近接受商台节目《星光背后》访问，除了大谈女团时代的辛酸，更吐露转投TVB后被闹爆，以致工作收入全被叫停的无奈，她说：“最难顶係话我反骨！”至于入行后的两段圈中绯闻，她首度承认当中一段，“当时大家係想了解。”
参加《造星III》前，热爱唱歌及表演的Carmen已不理父母反对入行做了女团Bingo四年。虽然入行前已因教跳舞储得六位数存款，但出道不久已差不多将积蓄花光，她说：“我哋演出多数得车马费，之后抽佣再要五个人分，我真係试过粮单得八毫子，我都吓亲！妈咪知道更担心，每一日都问我够唔够钱使。”
Carmen那四年为追梦用了不少方法悭钱，“着嘅衫多数嚟自连锁店，着完refund；其次，我唔出街食饭会自己带饭，可以减肥又健康啲；第三我会行路，譬如我住黄大仙，公司在九龙湾，会行返公司悭返啲车钱。”
Carmen坦言当年《造星III》虽然20强止步，但已大获好评并成就了她人生首个事业转捩点，“係好感恩好感谢《造星III》，之后真係接咗好多广告，几乎一个礼拜拍三个广告。”至于翌年她突然转签TVB被网民闹爆，Carmen说：“我哋出过道有经理人公司嗰啲，全部都无签Viu。Viu亦无意欲签我，亦无义务要用我，但我亦多谢佢哋令我哋知名度提升。点解去邵氏？係我公司嘅决定，或者唔係一个good timing就畀人闹到爆。係乜都闹，最伤心最难顶係话我反骨，外间唔知原因，我喊咗三日三夜。同一时间，最支持我做呢行嘅阿嫲走咗，更唔想父母唔开心，所以都无同屋企人讲，只係匿埋喊。”
除了自身被骂，Carmen的工作与收入同时被“骂停”，“当然客户见到我发生咁嘅事，好多广告都cut咗。有啲广告亦因为咁落咗架，係好无助同无奈。我係无得拣嗰个，只有公司指令做，支持开我嘅人又无晒，係乜都无晒。”
转投TVB后，Carmen视每一个出镜机会都是一个良机，抱着得返大胆同无得输的心态，最终凭搞笑扮嘢杀出一条血路。至于自认单身三年的她，问及近日参与《女神配对计划》是为了出镜机会或是想寻获一段真感情？她说：“我认为搵到感情係bonus！我太耐无拍拖，只想搵返恋爱嗰种感觉。”Carmen自认性格男仔头，身边有很多男性朋友，不过她亦friendzone了大部分身边异性。
至于入行以来，她先后跟同公司天堂鸟的叶泓声（Gordon），以及《造星III》的队友陈宗泽（CY）传过绯闻，她回应：“你话Gordon，过咗咁耐唔怕讲。当时大家係想了解，但最后係发展唔到。因为同公司太奇怪，会影响工作好麻烦。所以最后无一齐，或者我唔适合同圈内嘅人。”
至于CY的绯闻，她表示大家是好朋友，“我哋真係好friend，到而家都有约出嚟食饭！嗰时比赛我同佢住得好近，一齐搭地铁架车郁，就影到我好似挨落去佢度咁。第二日我哋睇返报导，都係得啖笑！”
Carmen坦言锺情有才华的男性，所以配对节目中的姜卓文（细John），甚得她的欢心，“细John正呀！佢有机会呀，所以佢咪响我嗰组囉。”
