女神配对计划｜关嘉敏同Matthew超好倾 狂乌低身大派福利 | 香港01
《女神配对计划》昨（29日）晚九点播出第四集，本集与组员进行“三角枱约会”的女神，则有第三集已出场的关嘉敏（Carman）及梁敏巧（Maggie）。
Carman虽然望落十足傻大姐，但其实骨子里还有感性及自强一面。在与Matthew一起凑Two Two的甜品时间中，被Matthew体贴及温柔感染的Carman，决定打开心扉向Matthew细诉一段极不愉快的生日经历：“我每年生日正日都会同屋企人食饭，我有叫我前度啦，首先佢迟到！佢迟到唔紧要嘅，可能天气唔好啦，然后上到嚟佢开始黑口黑面，然后我问佢做咩，佢就话冇嘢呀！”
网民激讚关嘉敏真性情唔作状
“我妈夹啲虾喺佢碗度，我帮佢剥、摆埋喺佢碗，我话：‘你快啲食虾吖’，‘得喇，我自己嚟啦’。我细细声同佢讲：‘你快啲食，我妈望住，唔该你呀、求吓你呀’。”Carman边说边重现前度当时的“晦气食虾样”，续说：“佢食得好晦气，我成个过程觉得好唔舒服。咁食完饭切蛋糕啦，我阿妈话买咗个好靓嘅蛋糕，跟住好开心话有靓蛋糕，话要搽唇膏影靓相好Hyper，但佢就态度恶劣咁回应：‘唔影呀！’、‘做咩唔影’、‘唔想影咪唔影咯’、‘点解唔想影呀？’、‘我都话唔想影咯，唔影呀！’跟住佢走咗，佢真係走咗呀～～～！（边说边抱头）然后，我望住个蛋糕係咁喊，跟住我切蛋糕时係喊住切（做出喊到呜呜声的状态），真係一个好有回忆嘅生日。”
关嘉敏为男友剥虾获讚好女友：感受到爱意
即使分享了一段如此伤心的往事，但Carman很快便九秒九回复欢乐，并笑指自己特意炮制了一本“烂Gag备忘录”凼自己开心：“我唔开心嘅时候，就会拎出嚟睇凼番自己开心。”Carman还即场与Matthew分享了一个“细、中、大”薯条的爆Gag题，谜底是大薯条最咸皆“碧咸（谐音：Big咸）”，说毕还自己哈哈大笑！
由于Carman够晒乌龙、大情大性，加上性格乐天一直致力走出悲痛Mode，生日事件又尽显了她作为女友贴地（剥虾）又忍让的一面，故昨晚获得网友一致好评，大讚她容易相处及了解：“Carman几爽，男仔头性格，同佢拍拖冇咁多麻烦嘢”、“超锺意关嘉敏，真性情又唔作状”、“Carman性格好正，好纯真好直”、“佢几真，做女朋友同朋友都一流”、“呢个男人绝对唔值得”、“塞翁失马，焉知非福，你值得拥有更好”、“有女朋友为自己剥虾，感受到爱意”、“女友剥虾畀自己係一件甜嘅事嚟”。
而每集都会带来惊喜及引发无限话题的节目结尾预告，今集有网民期待已久的李芷晴（Stephanie），意味著下一集主角就是她！虽然李芷晴现身节目的时间只有13秒，但依然瞬间引爆网络热话，事缘向来颜值备受热捧的Step，穿上纯白色低胸小礼服后仙气满泻，加上超长美腿及相当Gfable的清澈纯真表情，难怪获网民热捧为“TVB第一靓女”。
