林峯即场教“玩櫈” 邓丽欣做摆设 张继聪短讯问候姜涛约打波 | 香港01
林峯、邓丽欣、张继聪将在8月底联手举行拉阔音乐会，今午举行记者会时，林峯即场教授“玩櫈”，而Stephy 则传授《心急人上》嘅舞步，阿聪笑言得知有机会开拉阔时，因要保守秘密而变得沉默寡言，三人接受访问时，表示由于有不少作品，所以拣歌有一定困难。
提到“玩櫈”，阿聪指林峯玩是型，而自己则是拎尾龙骨来表演。“点都有一下，之后咪call白车，但如果有机会我都想做一下。”阿聪又指今次开骚会充满娱乐性，又表示会尽量控制自己长话短说：“我真係喺屋企唔出声㗎，已婚多年嘅男人出到街好开心㗎，我返到屋企都係剪草淋花咋。”随即问林峯是否也有同感：“我结婚唔係好多年啫，暂时仲未到剪草。”
方力申早前宣佈老婆有喜，旧爱Stephy大方送上祝福：“开心事嚟嘅，恭喜佢，祝福佢哋。”而阿聪听见即时咪埋眼，先讲笑“唔关事最好避一避开嘛！”透露已经恭喜小方，最紧要小朋友健康。
姜涛日前意外坠海，阿聪表示有传短讯问候，并获回覆。“佢有覆我嘅，我话anytime想搵人倾偈就搵我啦，佢话冇事同多谢关心。”又即时约姜涛返香港之后再约打波：“我哋好competitive，1on1好认真，我储落好多自己赢嘅片，激发佢就有拼劲，等佢返嚟再俾机会佢拍吓啲赢我嘅片啦。”
