明报：泰臣邀刘松仁出山 任舞台剧顾问：想“碌卡”搵佢做旁白
艺人泰臣近日除忙于拍剧外，更担任天主教圣玛加利大堂100周年舞台剧《百年人海》导演，除率领一众“教友”演戏外，亦邀请刘松仁担任剧组顾问。
泰臣和松哥日前拍摄舞台剧宣传片，未埋位时已经密密倾剧本，松哥笑指多年来已学懂“抽离”，今次未有趁机发掘“徒弟”：“我做戏做完就係做完，每次跟项目都很大压力，因为我要思考谂到‘头都爆’，要代入观众角度发现问题，同时要谂定点解决！”
松哥表示未曾与泰臣合作，但曾欣赏对方舞台剧，留下深刻印象：“之后睇佢喺TVB做戏，觉得佢好突出，留低好好印象。我唔知佢做导演功力有几多，但见到佢好投入、好认真，搵佢返嚟，呢个係圣堂福气。”
泰臣表示喜获松哥认同，定必使出浑身解数，更自爆想邀对方出山任剧组旁白：“我有问佢啊，但佢冇覆我！不过佢刚刚话‘卖关子’先，即係都仲有弯转﹑有机会嘅！今次素人剧组畀咗我好大惊喜，除咗松哥畀好多意见我哋，仲有唔同界别精英帮忙，发掘唔少宝藏！”
