女神配对计划｜港姐冠军倪乐琳想参加 杨梓瑶因一个原因怕冇人拣 | 香港01
TVB恋综节目《女神配对计划》热播，就连4位 2024年香港小姐都有留意。今日（06/7）她们出席《星光熠熠耀保良》谈起《女神配对计划》时也表现得相当有兴趣。
王汛文：“我睇过好多hit咗嘅短片，我觉得啲CP，有时返到公司都会谂，会唔会撞到佢哋呢咁样。跟住觉得，好开心香港都有自己恋综节目。”王汛文也表示，如果有机会被监制邀请上恋综节目的话，会毫不犹豫地答应。“俾人追吓都几幸福！”
倪乐琳又同意：“爱情事业双丰收，何乐而不为呢？喺节目搵到一个合适嘅人，同埋我哋呢份工作咁忙，你连识男仔机会都冇，但係而家光明正大拣男仔，仲经公司筛选喎，同有骚钱。”
杨梓瑶：“应该唔会搵我，因为搵唔到高过我嘅男仔，冇咁多，咁就有啲尴尬，因为啲男仔唔会想拣我，可能我都唔会想拣佢。（一定要高过你？）最好都係，但係感觉最重要。（如果王祖蓝的身高？）如果佢三观又正，对我又好，又专一，又可以畀我情绪价值，我觉得都冇问题。”
梁嘉莹回答：“我都唔知呀，冇谂过呢个问题，我都唔拒绝。（条件？）都係对我好，有责任心，锺意笑。”
