明报：黄心颖出新歌 感觉如怀孕：真係有咗我係开心嘅
黄心颖相隔1年半再出新歌《看透世间美事》，她早前接受HOY TV主播Angela俞咏文访问时表示心很累。黄心颖称每次出新歌，心情都会紧张：“尤其係推出前嘅2个礼拜，我每朝早起身都会有一种肚痛﹑作呕作闷感觉，真係好似有咗咁，但係到咗前几日又好番喇喎，一谂到准备要宣传，又觉得好攰喇！”
讲到这首歌首度“弃用”丈夫黎万宏（泥鯭）做监制，她笑言是故意的：“我想搵一啲新人合作，有新嘅衝击，当然佢都有偷偷指导我，例如佢会叫我搵边个做监制，畀啲guideline我，但真係冇参与，而个MV到最后先有我个样，我喺特登嘅，我唔想出镜，因为我惊要拍好耐呀，同埋啲歌词已经好直白，镜头就朦胧﹑隐晦啲，唔使咁直接。”
黄心颖亦透露创作这首歌的时候，自己处于心累状态：“当时係冇乜自信，有啲迷失感觉，但𠵱家好好多，识得点样去面对，同埋调节情绪，唔可以畀佢影响到自己，当我面对唔好情绪时，我会直接面对，唔开心就畀自己喊，如果觉得好烦时，就畀3日自己，之后就唔可以再颓落去，要畀一个期限，亦唔好抑压情绪，因为係咁累积落去，最后都係会爆，但係就算爆，我都唔会爆老公，因为佢嘅反弹力都好强，咁蠢嘅嘢我唔做㗎。”
对于黄心颖来说，近年最美好的事，是可以睡到自然醒，身边的人和宠物身体都健康，提到生育问题，黄心颖心态随缘：“如果呢一刻有，我会觉得好开心，如果冇我又唔会觉得好缺失，以前我比较想做妈咪，但係到咗我𠵱家嘅年龄，我连照顾自己都觉得好攰，如果再照顾多一个小朋友，我唔知我可唔可以应付到。”
