周嘉洛任防骗店长自曝是电骗“常客” 险中招吁冷静查证
香港文汇报讯（记者 子棠） 周嘉洛为银行举行的“防骗便利店”开幕活动担任一日店长，他表示已连续两年获邀出席活动，但做店长却是首次，笑言自己经常巡舖，对防骗商品瞭如指掌，例如骗徒可以用Deepfake技术冒充股神、甚至家人，以为的“艺人”其实是“伪人”等，所以最重要是保持冷静，向当事人查证，不要有片就信以为真；他又自言不是特别聪明，认为投资的部分比较适合现阶段的自己。
周嘉洛更自曝是电骗“常客” 险被收数公司成功呃钱，还曾被骗徒冒认他私讯粉丝！提到差点被收数公司成功骗财，他称幸好当时记得保持冷静，才能力保不失：“啲骗徒善于捕捉受骗者嘅心理，通常会喺紧迫情况下逼你做决定，甚至会令你担心埋屋企人。好好彩，喺骗徒嘅对话入面留意到破绽，最后保得住自己荷包。”
问到小时候可有被骗或骗人经历？他笑谓儿时曾欺骗父母：“细个唔识谂，为咗可以参加课外活动，冒妈咪签名。睇落好似好小事，但係结果当然係得不偿失，做错事係要负责任。”
对于有骗徒假扮艺人呃钱，周嘉洛坦言自己亦是受害者：“身边有唔少艺人朋友试过，畀人hack入社交平台帐户同埋点数卡，大家都好醒目唔会相信，但係利用Fans对艺人嘅支持呃钱，真係好嬲！我係绝对唔会私讯Fans攞钱，大家唔好畀啲花言巧语凼到！幸运地佢哋都好聪明，只能够讲懂得欣赏我才华嘅人都好有思考能力。”
最后他更搞笑呼吁骗徒改邪归正：“有啲行业，赚到嘅钱同种下嘅孽係成正比，骗徒就係一分耕耘一分孽债，越努力越危险，我建议各位师兄姐转行！”
