明报：被陈慧娴讚“永远係英皇一姐” 容祖儿吓到耍手拧头
陈慧娴《The Fabulous 40演唱会》巡迴到杭州站，这站请来容祖儿担任嘉宾。
2人合唱完《跳舞街》后，慧娴即爆料：“我第一次‘见’祖儿係喺尖沙咀街头嘅唱片海报，一睇我就觉得…（祖儿插嘴：好丑样啊！）唔係，呢个女仔一定红！第二次见佢就係喺颁奖典礼庆功宴，佢拎奖，而且佢爆红啦！”祖儿好奇问：“点解你睇到呢张海报，会觉得我有机会呢？”慧娴坦言是气质，祖儿立即追问：“係点样㗎？”慧娴神回：“唔需要太靓，但係需要有一姐嘅气质，我一睇你就有呢个气质。”
不过祖儿“不太认同”，她说：“对我嚟讲你就係好靓，你当时都係爆红。细个时候见到你，你嘅形象、衣着，都係当时广东乐坛嘅指标，你嘅音乐就係全方位嘅声色艺俱全歌手。今日可以企喺你舞台上面做你嘅嘉宾，我非常荣幸，多谢你。”
慧娴闻言说：“我係话你愈大愈靓！作为一个歌手，最重要係气质。靓女大把，但有气质嘅女仔唔多，你同我都有，对我嚟讲，容祖儿永远都係英皇嘅一姐！”听到慧娴这样说，祖儿吓到耍手拧头：“你嚟咗我唔係呀，吓死我啦！”
慧娴直言喜欢祖儿，2人早于2014年慧娴30周年演唱会已合作过，祖儿指当年受到邀请时立即“𦧲饭应”，亦感谢慧娴对她照顾有加，每次的演出，慧娴都会发信息鼓励，“佢会话：‘你做得好好。’对于一个歌手嚟讲，能够收到一个尊敬前辈认可，对我嚟讲係非常有意义。”
由今站杭州站开始，演唱会加入洪助昇（Aiden）及梁壁荧演出小短剧，为巡演增添新意。
