周骢设灵｜罗兰忆故友一度哽咽：明白有啲病冇得医 | 香港01
香港资深演员周骢（原名冼锦荣）于2025年7月4日因肺炎离世，享年92岁。丧礼今日（22/7）于红磡世界殡仪馆举行，让亲友作最后道别。
晚上近7时，罗兰冒着大雨，身穿黑色素服，手持拐杖抵殡仪馆，张国强到门外迎接，沿路一直搀扶着罗兰抵达灵堂门外，让传媒拍照，罗兰显得一脸哀伤，张国强轻吻罗兰额角加以安慰。然后步入灵堂致哀。
罗兰接受《香港01》访问时忆起故友周骢一度哽咽：“记得以前大家二十几岁一齐拍嘢，人生你可以话好短，亦可以话好长又得，总之在生一日要做好自己。（同周骢叔有咩难忘事？）记得拍黑白片嘅时候已经係同骢叔一齐拍，而近呢几年都有同骢叔拍TVB嘅剧，当时见佢都好大隻，係冇咁弱。唔知係咪而家啲空气唔好，好多人都验到唔好嘅病，同埋有啲人又话自己周身病，希望每个人都要保重。
千祈唔好乱食嘢，有啲人会话食又会死，唔食又会死，我觉得唔係㗎，係要小心啲食。（係咪好唔捨得老友离世？）头先望到骢叔张相⋯⋯⋯佢唔係似咁嘅年岁，但冇办法，明白有啲病冇得医，希望大家个个都保重。”
