明报：黎展峯出道4年首开骚 变紧张大师 收百包捞麵嗌崩溃
出道4年的“紧张大师”黎展峯（Andy）日前迎来人生第一次音乐会！今次Andy跟张驰豪（Aska）孖住上，举行《Andy X Aska PLAY》音乐会。这边厢Andy在台上自弹自唱，兼大骚健身成果，那边厢台下粉丝送了百包印尼捞麵，他不禁笑说：“喼弗1个月即刻破功。”
人生首个音乐会，Andy紧张到爆：“好紧张！因为属于自己第一个骚，好多嘢都想准备到最好，再加上我係锺意谂好多嘢嘅人，好容易令到自己骚前好大压力。”
这次音乐会，由选歌、rundown到styling，Andy都落力参与：“再加上每日去练歌练琴、做gym，係有啲chur，不过好值得。”Andy指自己“谂嘢多过食饭”，好在音乐一响即刻放鬆：“不过开骚后，听到大家嘅反应，令我放鬆晒，不断话畀自己听要享受呢一场骚。”
首次开骚Andy坦言没有虾碌事，反而有不少爆笑时刻：“最深刻就係收咗100包印尼捞麵。我本身好锺意食，但为咗呢场骚，努力keep fit咗1个月。因为开骚前要谷肌，我特登食咗印尼捞麵摄取碳水，点知show day当日，fans为咗庆祝我good show，就送咗成100包印尼捞麵畀我！”他笑言感谢粉丝的心意：“早知话自己锺意食鱼子酱啦！”
至于最感动、最喜欢的一part，Andy表示在唱《免费升级》这首歌，“呢首歌陪伴住我或者好多人经历低潮，能够带住呢隻歌，去到更大嘅舞台表演，真係好感动，亦提醒住自己，要继续更加努力，每一次都要畀大家见到升级咗嘅Andy！”
