明报：张頴康讚太太麦雅緻绝世好老婆：唔会畀绿帽我戴
张頴康与太太麦雅緻（Angie）到新城广播接受李有毅（Ben）和儿子李国炜（Benson）主持的《Ben同Benson“chur”到行》访问，頴康和Angie是圈中模范夫妻，2人分享相识经过，谈夫妻相处之道，温馨又甜蜜。
頴康和Angie于2012年结婚，先后诞下大女“小豆”张雅乔、二子“小花生”张迅桥和孻仔“小蛋黄”Maka，一家五口乐也融融。原来頴康和Angie的相识经过，也跟新城广播有关，阿康透露：“第一次见我老婆係TVB台庆綵绯，我喺排舞室门外见到个女仔迎面行过，个女仔冇化妆都咁靓，畀佢吸引咗我，之后返去问排舞嘅同学，先知佢係边个，跟住上网搵佢资料，再add佢社交帐号，间唔中上网睇佢啲嘢，点知有一日佢送羊入虎口。”
Angie爆料表示：“真係关新城事，2005年我返香港之后，有听开阿康同Bob（林盛斌）、阿Ben（杜浚斌）主持嘅《新香蕉俱乐部》，我成日都听，觉得佢哋好好笑，点知有一日个节目转咗时间，我喺社交媒体问张頴康，佢好快覆。”
阿康插嘴说：“咁啱我枱面有两张《投名状》戏飞，我问佢有冇兴趣同我一齐睇，就咁约咗佢出嚟开始。”阿康笑言：“我承认嗰通电话，係我人生转数最快。”
阿康拍戏期间，有时会将情绪带回家，Angie直言很难跟对方沟通，更试过离家出走数天，让大家冷静下来；某次双方冷战期间，曾一度出现“神蹟”，将酒变成水，Angie大笑表示：“佢买咗支酒返嚟，我因为好嬲，偷偷哋将支酒倒咗佢，再斟水入去，佢一饮以为超市啲酒畀人换咗水，仲去同超市经理讲，话佢哋啲酒可能畀人换咗，叫佢哋小心啲，惊下次唔知换咗乜，唔想有其他受害者。”阿康搞笑谓：“呢位超市经理，如果你听到呢个访问，就问我老婆攞番支酒嘅钱。”
夫妻最欣赏对方什麽？阿康表示：“最欣赏佢冇放弃过我，其实好易放弃，我又係难顶，佢都唔放弃係好难发生。”Angie最欣赏阿康专一及爱自己，她说：“佢一直表现得好爱我，由啱啱拍拖到生咗3个小朋友，喺生活上佢都好细微，出门口会叮嘱我小心啲，过马路睇车，好细心嘅表现。”
阿康大讚太太是绝世好老婆，他透露拍拖1个月已经要娶Angie做老婆，“佢嗰个令你安心嘅程度，係唔会令到你伤心，唔会畀绿帽我戴，呢个好紧要，佢唔会有异心，会好忠诚对你呢个人，发生任何时都会企喺你嗰边。”
