姜大卫事前不知儿子参加配对节目 闻关嘉敏想叫他“老爷”咁回应 | 香港01
姜大卫(John哥)昨日(24/07)于电视城出席新剧《麻雀乐团》宣传。剧中饰演麻雀总会会长兼高手的他,在接受《香港01》访问时,自言现实中都有数十年“雀龄”,肥姐沉淀霞和四哥谢贤都是他“雀友”。
问到他打牌赢多还是输多?姜大卫笑言:“输多,因为我唔叻。肥姐就好劲,仲打得好大,所以我后来都无打了,输到惊。(太太李琳琳有冇打牌?)有,我哋一班朋友每年都会举行麻雀大赛,大概8围,有年张国荣赢咗个‘雀王’,我老婆就赢咗个‘雀后’,但之后佢输足几年。”
另,提到儿子姜卓文最近参加《女神配对计划》引起话题,姜大卫坦言事前完全不知儿子参加该节目,“佢冇问过我,係朋友叫佢参加嘅,报咗名之后先话畀我哋听,ok嘅,我觉得无所谓,如果真係咩嘅(合适)咪支持佢、恭喜佢囉。”
姜大卫表示认识关嘉敏,但未曾合作。当听到关嘉敏曾在访问中表示见到他想叫一声“老爷”时,姜大卫先露出一脸惊讶,然后笑著说:“恭喜佢、恭喜佢。(对关嘉敏印象如何?)呢几位女士都好好,好多观众都好锺意。(同太太会唔会都心急饮新抱茶?)冇。佢以前都有带过女朋友返嚟,但我哋从来冇催佢结婚生仔。”
姜大卫强调从不干涉儿子感情事,认为缘分要来就会来,最紧要儿子喜欢就可以,他笑称相信儿子也有遗传自己专一基因。