伍富桥用三个月由幸福肥减到劲fit 森美笑言参加比赛係攞苦嚟辛 | 香港01
艺人伍富桥与森美昨日（27日）参加Hyrox香港2025，二人原来与朋友组成一队参加接力赛，除了要做指定的动作外，更要轮流跑完8公里，森美更笑指“攞苦嚟辛嘅”。伍富桥更指“做运动已经变咗一个潮流”，因为宣传策略不错，继而令平常不太做运动的人都会想试一下。
伍富桥与森美接受《香港01》访问时介绍今次参加的活动是什麽，原来他们4人组成一队轮流做8个体能运动：“咁佢分咗有8个唔同嘅项目啦，咁嗰啲项目呢都算係叫体能嘅运动，咁然之后每做一个体能运动，中间呢要跑1公里，咁即係话要做8个体能运动再加8公里。”8公里由4人平分，每人只需跑2公里就完成赛事，而他们目标是在个半小时内完成。
森美表示今次是第一次参加比赛，所以需要找个教练帮忙“重拾青春”，于是就找到伍富桥：“慢慢帮下Uncle重拾返青春，本来我谂我啲荷尔蒙都冇咗啦，更年期到咗，我即刻踢走更年期，返返青春期！”
森美更笑指自己的裤子也要买大一点：“我依家啲裤个size本来32吋，而家著34吋，（大腿嗰个位唔啱啊？）唔係！係裤链嗰个位唔啱。”
伍富桥的太太Shirley亦为了老公、森美及队员制作了一系列的打气板，伍富桥的打气板上是他“幸福肥”的照片，被森美笑指“肥到咁样”。伍富桥即解释是：“呢个係幸福得太过忘形，我太太煮啲嘢太好食，跟住呢一时间忘形咗。”伍富桥被问到用了多久才从“幸福肥”减到现在的身型，他笑指现在已经是“最fit”的时候：“我谂都用咗三个月到，但係三个月慢慢就舒服地减嘅！即係唔畀啲太过惹味嘅嘢食畀我，但係都好好食嘅。（点样减为主？）做运动同埋识食啦！即係拣啲啱嘅嘢食啦。”
森美更大讚Shirley煮的东西很好吃：“我上过佢屋企食佢太太煮嘅嘢，真係好好味㗎！”而伍富桥则被问面对太太厨艺这麽好，怎样忍手兼忍口时，他即表示：“就係冇忍手，佢煮一啲係我食极都唔会肥嘅嘢囉。”而他指太太都会著重少油、少盐等健康煮食，令到他吃完也没有后顾之忧。伍富桥被问会否害怕之后会再次“幸福肥”，他笑指不怕：“因为有目标啦嘛，年年都要玩㗎啦。”
Shirley亦为森美特别设计了打气板，上面印有当年他于《我要做model》中范特西的造型，森美即笑指：“呢个就係我嘅青春期啦，当然我依家仲未返到去青春期，但係假以时日呀，下次呢希望可以返到去青春期。”而森美的健身方式就是採取“168”的方式，而且已经维持超过10年的时间：“食嘅嘢管住自己嘅嘴，唔会再去饮酒啊，或者唔会去食太肥嘅嘢，然之后再加运动。”
