谭辉智坦承有睇关嘉敏性感写真照 激讚好正：隻狗喺度但我睇唔到 | 香港01
TVB举办的《中年好声音》系列捧红多位歌手，令他们人气急升，演唱会开个不停。而即将在下月30日周吉佩、罗启豪、黄剑文、谭辉智就会联同谷娅溦一同在启德体艺馆举行“四王一后，五声激斗”演唱会，今（30日）就举行宣传活动，吸引大批粉丝到场支持。
而在是次演唱会中，他们每一个人都会代表一位“行星”，所以在接受访问时，黄剑文就讲解自己代表“木星”的由来，他表示：“我平时个人比较“木”啲，但木星个速度会快啲，咁其实我几衬又心急，我个人有呢个特质。（你自己觉得定係人哋觉得？）係自己觉得，平时自己都几“木”。”
至于谭辉智就属于“土星”，他自爆是由大会安排的。
当问到在是次演唱会中，最期待表演的项目是甚麽时，谭辉智就表示：“最期待梗係同溦溦合唱，全部都想同溦溦合唱。”续问到会不会有甚麽突破时，黄剑文就透露：“我自己拣solo嗰度，我希望观众睇到另外一面嘅我，其实都係跳唱 ，但我拣嗰首歌人哋应该估唔到我唱嘅歌。”相当神秘，他又扬言是次演唱会舞台是T字型设计，与观众有近距离接触，大呼好期待。
另外，当提到有没有看到好朋友关嘉敏近日在社交平台上贴的性感照时，谭辉智二话不说：“我话冇都呃你啦！有嘅。（有咩感受？）隻狗喺度，但我睇唔到，我淨係睇到第二啲嘢，佢好性感，好正，个样已经远离咗我，已经唔似我，所以佢做返一个真正嘅女人，终于做返条女。”相当搞笑。
最后，提到公公近日病情不稳一事，黄剑文就表示：“因为佢老人痴呆，其实之前已经住咗一排老人院，唔係好食到嘢。咁琴日突然间就要去医院，因为医生讲廿四小时内可能会离开，所以屋企人就去见最后一面。但我哋都有心理准备，因为都老喇，同埋生活质素唔係好食到嘢，我觉得要都接受。”
他强调虽然会不捨，但早有心理准备去面对，还透露公公给了他许多鼓励：“我入行嘅时候佢就会同啲朋友介绍‘我个歌手孙’，觉得係骄傲咁样。”因为有家人的支持，所以他才继续坚持做音乐。
