新闻女王2｜佘诗曼剧透辞职创业泪崩 放1个月长假︰Hea吓陪妈咪细佬 | 星岛头条
佘诗曼主演的电视剧《新闻女王2》早前煞科，她今日（2日）以代言人身份到金钟出席美容店开幕活动，她表示剧集拍了几个月，好久没有出席公开场合。问到是否已放下“Man姐”？她说：“唔捨得地放下，同成班团队奋斗咗几个月，毕竟经历咗两辑，大家嘅感情深厚咗，都成熟咗，好唔捨得。”
佘诗曼放假煲戏刨剧
佘诗曼指《新闻女王2》有场戏讲她离开公司，排戏时已经顶唔顺：“因为朝夕相对，剧情有讲我哋创业要离开公司，我同王敏奕同其他演员都忍唔住（喊）。”提到她6月时拍剧时耳仔入水，佘诗曼表示问了很多人，得出“侧头瞓”的解决方法，故第二日痊癒，“拍咗成日落水戏，仲要个头落，入咗十几廿次，撞晒啲水入去，最惊係过几日又要拍，后来OK嘅，可以带耳塞用头髮遮住。”
她指稍后放一个月假，“Hea吓先同睇戏，之前因为拍剧工作错过咗好多戏同剧集，想享受吓家庭乐，陪吓妈咪同细佬。”
问到《新闻女王2》何时播出？佘诗曼表示不知道，她也想知，现时监制正忙着剪片，同时认为不应受时间限制，最重要是出来是最好的版本。
佘诗曼表示，剪片部份她没有给予意见，但会去看，想看自己拍了几个月后出来的成绩。提到若年底播出再衝击视后宝座？佘诗曼说：“而家十划都未有一撇，（会唔会想再大满贯？）其实已经好满足，会唔会锦上添花就迟啲先讲，最希望都係观众、网民锺意，剧集受欢迎，呢个已经当攞奖。”
