明报：关智斌为个唱买金添财气 获老闆宠爆赠金帆船鼓励
关智斌（Kenny）昨日（5日）才宣布举行演唱会，今天（6日）就已经心思思想去珠宝店“扫金”旺自己，并有全盘计划，他打算施展“屈金大法”，博老闆杨受成送礼，岂料杨受成竟然快他一步，一早准备了一隻“一帆风顺”金帆船，Kenny开心得弹起兼自爆：“我仲谂住屈佢㗎！”
Kenny自爆“屈金计划”：“我特登打畀老闆秘书，问老闆会唔会巡舖，谂住捕住佢，等我有折头或者屈佢送嘢嘛！”结果真的被他捕获老闆，杨受成甫入舖见他便说：“我有嘢送俾你呀！”Kenny当场呆了：“吓？我仲谂住屈你喎老闆！”杨受成着同事拿出预先订制的金帆船，Kenny兴奋说：“真係㗎？多谢呀老闆！我仲谂住要出招㖭！”
自言是“八卦仔”的Kenny最近迷上“摆金阵”，他说：“话要多啲金嘛！我谂住录音室、化妆间全部摆金！”点知杨受成一句：“啲金好贵喎，你条友仔！”笑爆全场。
Kenny雄心壮志地说：“我𠵱家目标好明确，做好个骚，下次再开就可以收多啲金…同埋表！”杨受成为Kenny打气期间，突然爆句：“听讲你个‘波霸’好犀利！”Kenny急澄清：“个Body吖嘛！到时骚畀你睇。”吓到老闆耍手拧头：“哗！唔使﹑唔使，千祈唔好！”最后杨受成赠言：“一票难求！一帆风顺！”力撑Kenny，Kenny闻言说：“我会努力！争气！”
临走前，Kenny得意表示：“任务达成！抢咗嚿金返嚟…呀，唔係抢，係老闆送嘅！”问到如何报答杨受成？Kenny表示必定全力以赴，瞓身做好演唱会：“咁就可以再收多啲金！”
