曹敏宝自资出歌讲夫妻矛盾 自爆曾被老公“伤害”兼有拗撬 | 香港01
曹敏宝斥资5位数出歌，新歌《请你温柔地伤害我》赤裸剖析夫妻间在相处日子中所差生的距离，她说︰“两个人相处并不会係每一日如诗如画，好多生活上嘅事情要处理，有时两个人嘅价值观亦都未必係一模一样，所以日子耐咗可能会产生磨擦同距离，呢隻歌就係写实去描述，希望听众会有共鸣同有一个反思嘅空间。”
为求完美，新歌MV由选角与编剧都由曹敏宝一手包办，用了3日拍摄，绝对係大制作：“MV入边有一part係要情绪大爆发，要同MV入边嘅男主角争执。其实当初我都好担心自己演唔演到，不过到到真係Roll机我就冇谂咁多，只係拍摄前用咗半个钟跟自己相处去投入角色。”
问到现实中可曾被老公温柔地伤害，曹敏宝笑说：“咁两夫妻一定会有拗撬嘅时候，係睇吓点样互相让步同磨合。因为佢比较不善辞令，但我係非常善于表达，所以呢一个组合，就容易令事情易于解决。而家佢最温柔嘅伤害，就係经常唔睇电话，顾住做嘢，搵佢要打锣咁打比佢！”
