明报：45岁方力申退役21年 世界先进游泳锦标赛200米背泳夺冠
45岁前港队“飞鱼王子”方力申退役21年，仍然宝刀未老。他日前参加在新加坡举行的世界先进游泳锦标赛，以2分16秒84成绩夺得男子200米背泳45-49岁组别冠军，十分厉害﹗
方力申在社交平台表示︰“2018年，我同‘点滴’有咗环岛泳呢个筹款挑战构思后，离开游泳池十几年的我，再次落番水，练咗一年半，喺2019年11月5日完成45公里环岛泳后，我重新爱上番游水。从嗰日起，我就再冇停过，每星期三次朝早跟泳队，6点几起身练水，另外自己再游多三、四次。2020年，我返番去泳池比赛。2023年首次参加世界先进游泳锦标赛，喺福冈举行。200米背泳得第六名，2分21秒，2024年多哈第二名，2分19秒， 到今日新加坡，第一次攞冠军。虽然精彩但都有运气。对手都好有名堂，有Maurizio Thesar ，佢本身实力比我强，係呢个组别嘅欧洲纪录保持者，另外同场仲有2米高嘅巨人Stev Theloke，2000年他代表德国参加悉尼奥运（我都係），获得两面铜牌（我唔係），而我今次游出2分16秒，相差世锦赛大会纪录1秒几，都好好，亦比40-44岁组别的冠军快少少，我好满意，非常感恩，目标达成了。付出过嘅努力，幸运地，今次係有回报嘅。如果唔係环岛泳，我谂我係绝对唔会再游番水。因为，我以为我係永远唔会再锺意番游水嘅，因为，我知道无论我点样游，我都冇可能快过我以前啲时间。但其实唔一定係咁嘅，只要我肯放低我嘅一啲执着，淨係谂住做我自己锺意做嘅事，咁样开始，我就唔会有压力，冇压力就开心，开心咪继续游囉，游得多咪会进步囉，起点低唔紧要㗎，个进步咪会仲明显囉，咁有进步喇，个人咪会仲开心啲，咁都咁开心喇，咪会再练多啲囉，就係咁㗎喇。”
大批圈中好友及网民均留言恭喜，方力申表示︰“多谢大家。另外好开心嘅係我爸爸妈妈，细佬，太太同埋入面个baby都喺现场见证住，好圆满﹗”
方力申完成比赛后，昨天傍晚立即回港，休息一晚后，今日又要前往广西北海工作，然后再飞返新加坡继续参加之后的比赛。他今天在皇岗过关时巧遇前往番禺工作的尹光，尹光笑指方力申去广西工作“好啲”，因为“远啲人工高啲”，同时预祝他之后的赛事上再得奖。
