连诗雅笑丈夫陈家乐性格老派︰佢嘅浪漫係令我放心
连诗雅（Shiga）接受商台《星光背后》访问，分享与丈夫陈家乐由交往、求婚到结婚生女的甜蜜经过。曾在情路上经历不少波折的她表示与家乐修成正果，是因为“适当嘅时候遇上适当嘅人”。
Shiga说当初伙拍陈家乐到韩国拍摄《12个夏天》，大家身边各有伴侣，因此没想太多，直至翌年获对方邀请现身网上节目《三夫当关》，彼此均回复单身才开始约会。
谈及陈家乐最初吸引她的原因，Shiga说：“纯品，有咁上下样貌嘅男仔多数係花花公子，但佢反差好大，好old school style。佢係夜晚要听收音机瞓，朝早饮茶睇报纸嗰啲。佢日日可以食同一款男人饭，同我最初想像嗰啲男人好唔同。佢仲有种傻气，我欣赏佢嘅傻气，畀到我稳定，同佢一齐好有安全感。”
Shiga表示家乐的浪漫就是令她放心︰“对于我，就係好浪漫。例如佢去边，佢会自动自觉话‘我到喇，我做紧乜呀’。我从来无话要check住佢，但係佢好愿意分享畀我听，我就觉得好浪漫。”
Shiga表示与家乐拍拖两年时，因疫情分隔两地3个月，却令她感到对方能付託终生。Shiga说：“我超级讨厌Long D，但疫情最严重嘅时候，我要返内地拍剧3个月。但嗰3个月，佢令我完全放心，嗰时我哋靠facetime见，佢会特登约我拍完剧各自返到屋企，一齐打开facetime食饭，临瞓又开住facetime拣一套戏一齐睇。真心觉得佢唔使做呢啲嘢，但係咁，佢就令我好安心。佢知我係一个缺乏安全感嘅人，佢就畀呢样嘢我，而佢咁有耐性做呢件事，就令我谂到佢係一个可以结婚嘅对象。”
两人婚后不足一年成功怀孕，Shiga坦言是计划亦是意外︰“係想有小朋友，所以无特别避孕，但无谂过咁快咁顺利！”
Shiga表示其生理期一向不准，大懵至怀孕两个多月才醒觉要验孕。她说︰“最初仲以为感冒头晕，係两个几月先试吓验。发现真嘅时候，好surprise。”她透露家乐得悉自己要当爸爸时，不如外间想像般激动。
Shiga回忆︰“嗰日佢放工返嚟，我嗰刻好开心又有好多情绪，佢一开门我就爆喊，佢即刻问我：‘乜事？做乜事？’我喊住话：‘你做爸爸啦！’佢好冷静话：‘咁咪好囉！我哋係想有小朋友嘛。’或者当时太突然，佢冇太大感受，係隔咗几日佢陪我去产检，当佢睇到个mon，再听到BB‘噗噗’嘅心跳声，佢就流眼泪，我哋两个都一齐流眼泪。”
Shiga不讳言首胎就是想生女，至于老公，她说：“以前佢想生仔，想同囝囝一齐做运动。但因为我哋屋企有一对狗狗係一仔一女，佢好嗲个女，就话有个女都係好sweet。”
至于这麽快收身复出又演舞台剧又唱歌，Shiga直言仍想于事业上再衝刺。
至于复出是否代表暂没计划追多个，她说：“我自己随缘，老公係想，佢想有个囝囝，佢成日讲笑话：‘唔生啦，除非下一个係仔啦！’但唔係你plan就有，真係随缘，我依家係学识去感受同活在当下。”
