明报：关智斌重提2019年个唱波折多险搁置：我适合危难中成长
关智斌（Kenny）分别接受新城广播叶文辉（啤梨）主持的《梨事会》和黎莉主持的《劲爆乐势力》访问，宣传《永远的彼得潘》及9月举行的演唱会；相隔6年再开骚，Kenny兴奋又期待，当他重提2019年被张致恒“一脚踏五船”连累，演唱会险被搁置，他直言：“我係适合危难中成长。”
Kenny接受啤梨主持的《梨事会》访问，谈到演唱会卖点，Kenny重提2019年演唱会：“当年係有少少意外发生，有好多波折，原来我係适合危难中成长，要咁样先得，不过嗰次亦都好好彩，无论幕前朋友或幕后好多人帮我，我只专注做自己演出一part，好多嘢已经去唔到我嗰到，最后做咗一个迴响唔错嘅演唱会。”
自完成那次演唱后，Kenny在脑海中筹划全新舞台，他透露：“今次呢个骚喺心入面已经酝酿咗2﹑3年，成个流程好快构思出嚟，到时会呈现冒险岛舞台，脱离现实氛围，同观众感受长不大嘅晚上。（观众想看你除衫？）呢个係标准配置，到时会大方啲。”Kenny又大卖关子：“有啲大家喺之前演唱会冇见过，我都好期待演出入面畀惊喜大家。”
Kenny接受《劲爆乐势力》主持黎莉访问，问到为何相隔4年才推出新歌？他直言性格随心，当刻想到要做便立刻行动，他说：“例如上年突然想学日文，前年学滑雪，有人话我呢个年纪唔好滑雪，蹬亲好大镬，但我贪新鲜，又有冒险精神，呢件事都几彼得潘。”
Kenny形容彼得潘（小飞侠Peter Pan）嚮往自由自在，随心随地做自己喜欢的事，他亦庆幸父母在他小时候，给予他足够自由：“我小学六年班已经周围去，放学后要去接妹妹放学，之后买饭盒两个人食；中学零用钱唔够，就帮人补习，又可以买游戏机，父母畀咗我呢个空间，令我学识点同人相处。”
Kenny坦言人大了很难找到自在感觉，他会给自己安排Me Time，让自己减压，他说：“我几锺意一个人做运动、跑山，比较静嘅Me Time係坐喺梳化睇电影，个脑唔使谂嘢，电话调较静音，有时会睇番旧片，好锺意睇丧尸片，Brad Pitt嘅《World War Z》，我睇咗10几次。”
提到《永远的彼得潘》首次跟监制陈考威合作，Kenny笑称对方发掘出充满“仙气”的关智斌：“佢搵到我一把几出尘嘅声音，唔係特登放轻把声，就会唱到呢个感觉，佢将我嘅仙气带咗出嚟。”
