张家辉叮咛曾展望︰咪挂住沟女
拍剧集《刍狗之血》撼TVB 跳唱迴响大心痒想开骚 | 星岛头条
网络上流传张家辉“争的士”片段引来热话，实为网约车平台拍广告，昨日他出席记招，献唱改编自名曲《谁是大英雄》的广告歌。家辉称拍短短几分钟广告要打功夫，动作多，惟近年拍戏少打，笑说︰“甄子丹差唔多追到我啦！”。
另外又要唱歌，文武全才，问到可觉乐坛欠他交代？家辉说：“交咩待呀！我呢啲自己口痕唱歌，乐坛嗰啲交返畀古生（古天乐）拎多次。（可能今年係你呢？）唔使啦！”
苗侨伟夸张家辉跳唱精彩
对于在陈慧琳演唱会任嘉宾跳唱《眼睛想旅行》，观众大讚。家辉事前在网上找来有趣舞步，认真练8堂，既要记歌词又配合舞步，跳到抽筋，估不到歌迷嚷著Encore。他说：“苗侨伟（三哥）打嚟，其实好多年无联络，佢话好精彩，好好笑，三嫂（戚美珍）录音话三哥係咁睇，仲逼佢睇咗半个钟。”
当提议他开演唱会，家辉笑说：“开就唔止一场啦！千几蚊都收到呀张飞！如果真係有呢件事，希望有啲创意。（首先要储歌？）储唔到啦！储得嚟到80岁！最紧要条桥有娱乐性。”
提到早前他与太太关咏荷欣赏夏韶声演唱会，网民大讚关咏荷靓。家辉笑说：“麻麻啦！以呢个岁数嚟讲係标青，好难Keep！要Keep我多啲，衬番佢。”
对于相隔19年再拍电视剧《刍狗之血》，提到该剧于ViuTV播映，跟娘家TVB打对台，家辉说：“唔係我签约范围嚟嘅，卖畀边个我冇办法控制。（再同胡杏儿合作）几好！之前拍电影《失恋急让》，佢演过我女朋友，同埋我做歌手时，佢做过MV女主角。”对于可会开拍《赎梦》续集？家辉笑言要睇票房总数如何，若然开拍也想突破恐怖片框架。
张家辉戏言曾展望改艺名林子祥
另外，TVB艺员曾展望被网民指跟他似样，封为“张家辉2.0”。当家辉从记者口中得知曾展望参加《女神配对计划》，他说：“《女神配对计划》要参加，可以‘哄’到好埋喎！”
其后家辉睇过曾展望的相片，或可演他的年轻版，他说：“好！希望可以多啲合作交流，呢样係我喜欢做嘅事，好似《赎梦》拍刘俊谦都几吸引呀！（曾展望个样似你？）有啲似，我以前后生都几靓仔，嘭嘭声！撞牆、跳海乜都肯做。”
家辉随即向镜头说：“继续努力，曾展望！唔好淨係沟女。”
谈到他是否看好曾展望成功追求叶蒨文？张家辉即问：“林子祥老婆！”记者解释是同名字的另一女艺人，家辉笑问曾展望可有需瓖改艺名叫林子祥。
