刘佩玥同丁子朗拍床戏有默契 大爆夺对方初吻：佢嘅初吻係畀咗我 | 香港01
艺人丁子朗、刘佩玥昨日（22日）出席TVB新剧《侠医》的记者会，今次他们二人都在剧中饰演“奸角”，丁子朗更表示自己“杀人放火、姦淫掳掠”都做齐，是坏人之中的坏人，更觉得编剧很厉害：“可以一个角色写到咁多嘢畀我！”二人接受《香港01》访问时表示“奸人阵营”除了他们外，连郑子诚及江欣燕都是其中一员。
丁子朗指今次他们的角色是：“大家观众心目中嘅经典坏人角色，故事蓝本嚟嘅咁所以大家会睇得好爽好过瘾，奸人就应该係咁奸！就应该对住啲好人笑。”而刘佩玥觉得做奸角玩得很开心，更指自己“好犀利”：“我同好多嘅男角色有好亲密嘅关係，即係享尽呢个齐人之福。”
至于齐人之福中的齐人有谁，她笑说：“丁丁啦、马贯东啦、阿mo啦、Patrick Sir啦、子诚啦、嘉辉哥啦。”除了剧中的主角外，她表示在场还是office的同事都与她有关係。
丁子朗与刘佩玥在剧中还有一些比较刺的的床戏部分，丁子朗指拍的时候感觉是：“坦白讲对于一个男演员嚟讲，拍啲咁激烈嘅亲密戏，都係有啲压力嘅。但係好彩对方係阿moon，我地好有充足嘅信任，所以拍嘅时候我地係对咗两次位。”丁子朗表示与刘佩玥拍床戏经验十足，原来并不是“第一次”，刘佩玥大爆丁子朗的萤幕初吻就是她夺去的：“因为佢嘅初吻係畀咗我嘅！”翻查记录，刘佩玥夺去丁子朗萤幕初吻的剧集就是《七公主》。
刘佩玥指今次床戏“拍得好靓”：“今次呢真係拍得好靓呢个亲热戏，你话有冇尴尬，其实我觉得无论男仔女仔，拍呢啲都总会喺一开始要有一个好充足嘅心理准备。唔係话我拍咗一百次嘅话，我第一百零一次就唔紧张觉得好冇嘢，我觉得最紧要係大家嗰个合作信任同埋沟通。”
丁子朗就觉得每次脱衣服“骚肌”都有压力：“我真係咇晒我最后一啲力出嚟，即係除咗呢个亲热嘅呢一个画面，我每次都要做完gym泵胀（肌肉）先至去拍。跟住仲要係我为咗拍戏，我唔想有任何嘅多馀嘅肉唧出嚟。我都係每次拍我都係两日冇食固体嘅嘢食，我都係饮蛋白奶粉或者食啲流质嘅嘢，咁变咗其实呢个身体好似好劲咁样啲，肌肉好爆啦咁但係精神上係好虚弱嘅。”
除了《侠医》外，丁子朗在刚刚播出的内地短剧《搏忆》中都疑似饰演奸角，他被问到是否打算做“奸角专业户”时，他笑指并不是自己能决定：“但係好彩因为遇到呢个奸角角色，希望暂时我听返嚟嘅feedback，睇咗嘅同事都好钟意，咁就希望观众都钟意啦。”
丁子朗指最近他的演艺事业像重新开始：“因为最近丁子朗呢个演员好似重新出发咁样，啱啱内地有套剧，同霍建华嘅剧已经啱啱播咗啦，咁所以係我内地嘅出道。而呢个亦都係我觉得丁子朗作为一个演员嘅一个转捩点，咁所以呢一排就係丁子朗再出发嘅一个时候。”
而剧集播出后，丁子朗亦有问霍建华觉得怎样，他指霍建华觉得不错，于是他就放下心头大石。而导演彭发亦有传讯息给他：“佢都有同我讲话几好喎，今次丁子朗呢个角色一出嘅时候，大家都估我係衰人，咁究竟我係咪衰人呢？（得到导演的讚赏会否放下心头大石？）放下咗一半嘅心头大石啦。”他表示最近见到网民的反应都偏向正面，这个才是他觉得最重要的方向。
丁子朗提到自己于内地出道，他被问到为何要选择去内地出道是否觉得在香港已经混不下去。但一向乐观正面的丁子朗就表示：“其实好开心做嘅演员有唔同嘅机会去唔同地方发展，咁虽然儘管普通话唔係我母语，但我都识少少普通话，就可以试下尝试，不如去演下啦咁样。其实除咗普通话之外英文，我都试过去cast一啲大啲荷里活嘅戏，虽然未cast中，但係我觉得慢慢一步一步嚟，有机会有一日大家喺唔同嘅平台、唔同嘅萤幕都会见到一个唔一样嘅丁子朗出现。”
