明报：谭俊彦懒理批评 唔介意被称“狄龙个仔”待子女长大会减产 陪老婆享受人生
谭俊彦（Shaun）于TVB剧《麻雀乐团》饰演有情有义又搞笑的司徒久，角色因父之名，成为麻将馆第二代老闆，现实中挂上星二代光环的他，虽然被误解靠父亲，但他否认因父之名而入行，相反爸爸狄龙不想他入行捱苦；贵为视帝的他对仍被人称呼为“狄龙个仔”一笑置之，现阶段懒理批评，只享受工作，最重要陪伴家人，已计划待子女长大后减少演出，与太太环游世界享受人生。
谭俊彦指加入无綫至今，今次算是首次参演喜剧，他说：“等咗好耐，成日都想演唔太认真角色，刚加入时拍古装剧《天命》，个样又生得似老窦，令观众觉得我为人係咪咁认真呢？被定型之后都係搵我演呢类型角色，做到自己都想笑下，又想畀大家笑下，尤其有小朋友之后，但唔係想，人哋就会畀你做，今次监制好好，可能见到我同角色有啲相似，安排畀我做。”
他认为与角色相似的地方，是父亲传承一些执着和老土给儿子，场景家中挂着家训牌匾，现实中老家都挂著“吃亏是福”家训，他说：“我演得有共鸣，本身都如角色咁，对后辈好吟沉，因为工作比较认真，唔係个个锺意听，好多人嚟玩，但对我来讲，因为老窦係当演员养大我，我好尊重拍摄现场呢个地方，呢方面我比较执着，老窦都係咁，好多人会觉得佢讲嘢‘掘擂槌’扫人兴，佢心地好好，真正认识佢就唔会惊，我哋俩父子都係一样，个样生成咁冇办法。”
他直认和角色一样著重亲情和家庭，这亦是他决定搬返香港原因：“19岁入行后，喺世界各地不断工作，到成家立室后，搬返香港，选择加入无綫，做好呢份工，一做就做到𠵱家40多岁，最主要係陪老人家老去，计划照顾到小朋友长大，我就减少演出，同太太环游世界。”
由演出偶像剧、小生到中生，之后便迎接演老生，他对将来亦有所考量，“到时係咪仲有咁多剧集需要我呢？唔想有一日到我真係老，仲喺现场拖累人哋，所以我会叫老窦唔好再接拍咁多，早啲退休，就是因为人以前几好记性都好，年纪大之后就冇咁弗，佢都听我讲减少咗好多，近10年都冇乜点开工，我觉得係好事，后生已经捱得咁辛苦，𠵱家用馀下时间凑孙，享受家庭乐。”
角色以父之名继承麻雀馆生意，但谭俊彦不认为自己是以父之名入行，“好多人对我有好多误解，成日都觉得我嚟到无綫就做主角，唔係老窦有主角做？我加入前已入行10几年，每个人背后都有自己一段故事，我喺无綫做咗10多套剧男主角，演出作品超过100部，𠵱家只会享受，唔会再去谂人哋讲乜，反而心痛再后生啲嘅星二代，见到姜卓文（细John）畀人闹，同我细个畀人闹嘅嘢一模一样，好心你哋班网民啦！有啲新意好唔好？”
他指星二代内心要够强大，父亲教导公众人物要维持公众人物应有态度。谭俊彦曾也因批评而放弃一些想做的事，他说：“我冇放弃过做演员，但放弃做歌手，曾经试过出唱片，最后係唔得嘅，都係好事，因为了解到自己真正强项，未必係唱歌，好多人天生唱得好好，我只係死练死背，𠵱家搵到最舒服做法，就是间中唱插曲，或搵我出嚟唱几首歌赚钱，但唔敢再有歌手梦，费事畀人笑啦！”
至今仍有人以“狄龙个仔”称呼他，但他并不介意，他说：“总之记得我就好好，好过唔记得，其实好閒，以前好多知道我老窦嘅人都已经可能老去，𠵱家好多调番转，唔认识我老窦嘅，会叫佢做‘谭俊彦老窦’，早前同佢出去食饭，有人问‘谭生可唔可以影张相？’老窦整理时，原来对方想搵我影相，係有少少唔舒服嘅，我叫老谭生一齐影打圆场，虽然佔比率好少，不过间唔中都有一次。”
