TVB“御用贵妇”传可用气功疗伤 懒理网民质疑：唔需要同佢拗 | 香港01
林漪娸日前（23/8）现身观塘出席好友《爱‧回家》“大隻仔”关曜儁（Leo）创办的健身工作室开幕礼。早前林漪娸接受访问时自爆学气功超过20年，亦曾向郭锋爱妻欧阳佩珊学气功，目前亦是一名“气功治疗师”，传可为人隔空疗伤，更用量子学来说，两者之间没有阻隔，掀起网上热讨，但就有网民对“气功疗伤”存疑，又指气功不等于量子这个说法。
林漪娸接受《香港01》访问时表示：“其实我哋中国人好多嘢就唔会去科学化，即係你生完BB，你就去整薑醋咁，食薑醋嘅过程就係帮个身体帮补返铁质，变咗我哋中国人嘅传统觉得好就去跟呢个方式，但就唔用科学去分析囉。如果真正嚟讲气功同量子相唔相同，我就唔代表啦，但讲到尾就係频率嘅一种。”
讲起气功治病，林漪娸直言已有过百人受惠：“大部份嘅病都可以逆转到，效果係好好。同埋我想讲气功治疗係好科学化，只係啲人唔够认识。（网民质疑呃神骗鬼！）咁我觉得我又唔需要太过介意，我又唔係同啲网民做，因为佢哋唔认识，佢哋唔了解，佢哋唔信係正常。畀我开头我都唔信啦，係因为你冇接触过嘛，例如接触过嘅朋友，亦帮助过嘅朋友佢哋自己咪知囉，变咗我唔需要迫人哋一定要信，亦唔需要同佢拗，拗係冇用嘅，呢个係一个缘份囉。”
