明报：林家谦个唱邀杨千嬅做嘉宾 自揭年初不快经历 赴台湾散心
林家谦第6场《White Summer》演唱会，昨晚（26日）邀来杨千嬅担任嘉宾，2人合唱《余春娇》，再跟蔡德才重现《小飞侠》，继而再合唱《再见二丁目》，带起不少回忆，也感动观众。
家谦台上多谢千嬅，并坦言非常开心：“今次呢个嘉宾环节，我想请一啲係我音乐上都很有渊源嘅朋友嚟。你係其中一位，好早时候，你已经係one of其中一位，肯去用我嘅作品，多谢你。”千嬅笑答：“你写得好嘛。”家谦说：“唔係㗎，就算写得好，都未必咁容易被人见到，咁所以多谢你当年用咗呢首歌。”
千嬅坦言昨晚首次跟家谦见面，严格来说之前2人是网友，《余春娇》这首歌千嬅表示，是她演员生涯中很重要纪录，也是里程碑：“余春娇是带给我很多演出上的肯定，我亦很有缘分，可以得到你的曲同Wyman（黄伟文）的词，做咗呢隻用戏名里面角色名的一首歌，所以我要多谢你先啱。”
家谦又再道出想请千嬅的第二原因：“适逢我今日音乐总监，当年同你有首合唱歌，佢係蔡德才（Jason）。”千嬅开心说：“係，Jason，好开心，今（昨）日rehearsal时候见到已经好开心。”家谦说：“我觉得呢个係好好嘅Re-U。”
继而2人走到Jason面前坐于舞台上，由Jason弹琴，3人再现《小飞侠》。千嬅感动说：“Jason写了很多作品给我，大家耳熟能详《飞女正传》、《数你》都是出自佢作品，所以今（昨）天很有意思，我好多谢家谦开了这道门畀我哋，好感动，好开心，死啦！我都唔知可以讲咩啦。”
千嬅惊讶家谦有cover过《小飞侠》：“6岁你就听我啲歌？咁有智慧，我大你一对加5年㗎喎！”家谦又再讲：“本身千嬅好好，佢话可以配合呢个主题唱《夏天的故事》，但係以下呢首歌（《再见二丁目》），係我野蛮要唱嘅，呢首歌对我来讲，係有啲感受，今年年头有啲唔开心，我就走了去台湾几日散心，一路都係听住呢首歌，呢首歌真係好感动我。我发觉原来我非不快乐，只我一人未发觉，comfort返自己，所以好多谢你（千嬅）、多谢阿Yu（于逸尧）、多谢夕爷（林夕），当年做咗呢隻歌。”
