明周：汪明荃78岁生日幽家英哥一默 周嘉洛阮浩棕送“肉嘴”祝寿
汪明荃今日（28日）78岁生日，但阿姐要入电视城开工录影综艺节目《带阿姐看世界》，剧组找来曾陪阿姐看世界的周嘉洛、阮浩棕（Nic），突袭录影厂送上惊喜，二人还应阿姐要求，一人一个“肉嘴”祝寿。
阿姐表示拍完《带阿姐看世界》外景后，经常挂住嘉洛仔及阿Nic，故今日见到二人十分开心。受访期间三人互笠高帽，阿姐感激他们在行程中对自己照顾有加，而出名口花花的嘉洛仔则回敬：“阿姐先係照顾我哋嗰个呀！”
嘉洛仔又笑谓，自从与阿姐看过世界后，为人变得更有内涵：“大家知我出名冇内涵，但认识咗阿姐之后，就明白到原来有涵养嘅人係咁样，所以我之后都有睇多啲书。”
阿Nic则大讚阿姐专业又捱得：“因为我哋喺摩洛哥拍摄时，撞正欧洲热浪，最热有44度。我记得阿姐完咗个Trip，落机第二日仲可以完成一个大型Live Show，真係好犀利。”阿姐闻言接着说：“係呀，我最记得我哋喺沙漠执啲沙摸上手係滚嘅，可以煮熟蛋咁滞。”
谈到生日愿望，阿姐简单表示“身体健康”，问到家英哥有何表示，阿姐幽默谓：“佢好大表示呀，今晚我哋嗰餐饭係佢安排㗎！”并透露每年生日习俗，是吃家里姐姐准备的长寿麵及自家制蛋糕仔 ！
