港姐2025｜网民高呼“还我1号” 冠军陈咏诗好幽默：佢有两个奖 | 香港01
【香港小姐2025/冠军陈咏诗/亚军施宇琪/季军袁文静/最上镜上小姐兼友谊小姐李尹嫣】《2025香港小姐竞选》于8月31日晚举行，由9号陈咏诗夺得冠军，7号施宇琪夺得亚军，13号袁文静夺得季军，友谊小姐及最上镜上小姐由1号李尹嫣夺得。赛后有不少网民对赛果提出质疑，表示不合乎预期，更有人在讨论串高呼“还我1号”，认为冠军应是最上镜小姐1号李尹嫣，而不是9号陈咏诗。
竞选翌日（1/9）《2025香港小姐竞选》冠亚季及最上镜小姐会见传媒，冠军陈咏诗接受《香港01》访问，回应这些言论时就说：“我冇睇啲留言，但係谂运动员同选美啲留言係咪有少少唔同呢？我目标都係展现一个女性，点样代表到香港。我觉得尽力去展现到。我真心想喺香港发展，同埋做慈善，我觉得香港小姐就係有呢啲特质，我都对自己好有自信嘅，所以对我嚟讲都冇乜嘢。”
有网民高呼“还我1号”，又有什麽看法？冠军陈咏诗回答：“始终1号都好优秀，咁佢都有两个奖，我觉得，佢都係多我哋一个奖，我得一个奖，佢有两个奖。（平均？）唔係平均，但係都戥佢开心。（如果攞冠军同佢交换呢？）当然而家做冠军好开心，就唔好咁谂啦，哈哈。”
有网民的批评也相当不客气，直言她是“鞋抽脸”。她表示比赛前都没留意网上评论，而比赛后也没有留意说：“而家都唔谂住睇，都唔介意。我觉得由选举到决赛，可能大家都唔係好认识我，其实透过呢一年，我想大家会认识我，之后就会锺意我。（做好自己？）係。”她也分享，希望之后有机会参与幕前演出工作：“有啲人话我口才OK，可以做司仪，但係其实我比较锺意背稿，唔使考自己急才，可以练习好多次，然后做好自已嗰一part。”
问及怎样处型奖金和奖品时，她就表示不太清楚有什麽奖金奖品，也透露，得到后冠后，会安放在床头柜的位置。
友谊小姐及最上镜上小姐李尹嫣接受《香港01》访问，她自言满意赛果，更透露自己为竞选准备十分多，说：“我最重时候係大学嗰年，差唔多去64kg，唔可以话肥，但係一家唔上镜囉。我由细到大，妈咪同屋企人畀好多信心，所以就算唔阵时，我都觉得自己係最好嘅。”
有“最上镜小姐”就够？她回答：“我本身係一个好知足嘅人，咁一定代表同呢两个奖有缘份，所以唔会追求唔係我嘅嘢。（如果可以交换？）唔需要交换，因为我攞呢两个奖就证明我出众嘅地方。”
