明报：抗癌柯炜林首度演出《笨蕉》 谢幕时感动哽咽：舞台剧魔力好大
柯炜林（Will）于7月底公布患肺腺癌第4期，原本他有份演出的舞台剧《笨蕉大剧院》，亦需在公演前换角，改由余家溢演出他的角色。昨晚（5日）《笨蕉大剧院》公演第25场，而Will亦终于正式演出，官方公布昨晚亦公布馀下场次演出安排：“第25场Happy Friday，Will嘅业务用酒粒出场喇！再次多谢大家对Will嘅关心同慰问，佢已经准备好今晚嘅演出！《笨蕉大剧院》团队依然会以佢嘅身体状况为首要考量，希望Will能够有充分休息，所以其后Wilson之角色将分别由Will或余家溢出演，而不作另行通知，恳请大家多多支持及体谅！”
Will在台上发表感言时，获全场如雷掌声，“由8月8日到𠵱家，经历咗一段长时间，但呢一刻想同大家讲，舞台剧魔力好大，有时我会觉得唔太好彩患呢个病，但亦都好彩喺呢个时候，我知道自己有呢个病，因为，因为咁啱呢个时间《笨蕉大剧院》所有人陪我度过。
我唔想大家淨係记得我係一个患咗病人，我一直都由大家认识我到𠵱家，我都係一个演员，我好少会专登讲私人事情，好少专登提演戏以外嘅东西，因为我一直自觉演员本分，如果唔係有《笨蕉大剧院》呢个舞台剧，其实我未必会公布患病呢件事，但亦因为公布后，所以得到咁多嘅爱。”
他续说：“我得到咁多爱后，我亦慢慢恢复，我下一步就希望带更好更多作品畀你哋睇，唔好讲我话病唔病，我係第一次踩台板，而我係畀你哋Drive走咗，观众魔力真係好大，因为呢个病除令我学到一啲嘢，啱啱呢一课，对住你哋，我好似喺演员事上亦学多咗一课，我可以继续继续演戏演落去，因为呢个就係我生活，我会保持生活如常﹑如常生活，点解我要返嚟就係咁嘅原因，呢段时间除咗我家人外，陪我行呢条路就係佢哋，我同佢哋唔係好熟，但因为佢哋，我呢段路行得轻鬆咗，所以我会继续好每一个角色，做好我演员本分。”最后Will在台上与团队拥抱道谢，尤其与替他演出的余家溢抱得特别肉紧。
